IND W vs SL W, 1st ODI Match Pitch Report: कोलंबोमध्ये टीम इंडियाचे फलंदाज की श्रीलंकेचे गोलंदाज गाजवतील वर्चस्व; सामन्यापूर्वी आर प्रेमदासा स्टेडियमचा पिच रिपोर्ट पहा
आर प्रेमदासा स्टेडियमवर फलंदाजांना संघर्ष करताना पाहिले जाऊ शकते. फिरकीपटू वर्चस्व गाजवतील असा अंदाज आहे.
Sri Lanka Women National Cricket Team vs India Women National Cricket Team, Tri-Nation Series 2025 1st ODI Colombo Pitch Report: श्रीलंका महिला राष्ट्रीय क्रिकेट संघ विरुद्ध भारत महिला राष्ट्रीय क्रिकेट संघ (IND W vs SL W) यांच्यातील तिरंगी मालिकेतील पहिला एकदिवसीय सामना आज म्हणजे 27 एप्रिल रोजी खेळला जाईल. दोन्ही संघांमधील हा सामना भारतीय वेळेनुसार सकाळी 10 वाजता कोलंबोच्या आर प्रेमदासा स्टेडियमवर खेळला जाईल. या तिरंगी मालिकेसाठी भारतीय संघाची कमान हरमनप्रीत कौरकडे आहे. तर, श्रीलंकेचे नेतृत्व चामारी अथापथ्थू करत आहे. या तिरंगी मालिकेत एकूण तीन संघ खेळणार आहेत.
दक्षिण आफ्रिका, श्रीलंका आणि टीम इंडिया हे तिरंगी मालिकेत दिसतील. ही तिरंगी मालिका 27 एप्रिलपासून सुरू होईल आणि 6 मे पर्यंत चालेल. ही स्पर्धा एकदिवसीय स्वरूपात खेळवली जाईल. महिला विश्वचषक 2025 भारतात आयोजित केला जाईल. यासाठी 8 संघ पात्र ठरले आहेत. या महत्त्वाच्या स्पर्धेची तयारी करण्यासाठी भारतीय महिला संघ तिरंगी मालिकेत दिसणार आहे.
हेड टू हेड रेकॉर्ड
श्रीलंकेविरुद्धच्या एकदिवसीय सामन्यांमध्ये भारतीय महिला संघाचा हेड टू हेड रेकॉर्डमध्ये मजबूत आहे. आतापर्यंत दोन्ही संघांमध्ये एकदिवसीय आंतरराष्ट्रीय क्रिकेटमध्ये 32 सामने खेळले गेले आहेत. या काळात भारतीय संघाने 29 सामने जिंकले आहेत, तर श्रीलंकेच्या संघाने आतापर्यंत फक्त 2 सामने जिंकले आहेत. अशा परिस्थितीत, टीम इंडिया भविष्यातही हा विक्रम कायम ठेवू इच्छिते.
पिच रिपोर्ट
आर प्रेमदासा स्टेडियमवर फलंदाजांना संघर्ष करताना पाहिले जाऊ शकते. फिरकीपटू वर्चस्व गाजवतील अशी अपेक्षा आहे. गेल्या वर्षी जेव्हा भारताने श्रीलंकेचा दौरा केला होता. त्यानंतर या ठिकाणी तिन्ही एकदिवसीय सामने झाले होते आणि सर्व सामन्यांमध्ये फलंदाजांना चांगली कामगिरी करण्यासाठी संघर्ष करावा लागला होता. नवीन चेंडू वेगवान गोलंदाजांना मदत करू शकतो आणि फलंदाजांनाही नवीन चेंडूने धावा करायला आवडतील.
दोन्ही संघांच्या संभाव्य प्लेइंग इलेव्हन
टीम इंडिया: हरमनप्रीत कौर (कर्णधार), स्मृती मानधना, प्रितिका रावल, हरलीन देओल, जेमिमा रॉड्रिग्ज, रिचा घोष (यष्टीरक्षक), अरुंधती रेड्डी, अमनजोत कौर, दीप्ती शर्मा, स्नेह राणा आणि काशवी गौतम.
श्रीलंका : हंसिमा करुणारत्ने, हर्षिता समरविक्रमा, नीलाक्षिका सिल्वा, चामरी अथापथू (कर्णधार), कविशा दिलहारी, रश्मिका सेवावंडी, अनुष्का संजीवनी (यष्टीरक्षक), अचिनी कुलसूरिया, इनोका रणवीरा, इनोशी प्रियदर्शी, इनोका रणवीरा.
(The above story first appeared on LatestLY on Apr 27, 2025 09:41 AM IST. For more news and updates on politics, world, sports, entertainment and lifestyle, log on to our website latestly.com).
