Highest Lead In Test First Inning: श्रीलंकेचा मोठा 'विक्रम', कसोटीच्या पहिल्या डावात मिळवली सर्वात मोठ आघाडी; तर 'हा' संघ आहे पहिल्या स्थानावर
SL vs NZ 2nd Test 2024: 514 धावांसह, श्रीलंकेने कसोटीच्या पहिल्या डावात फॉरमॅटच्या इतिहासातील चौथी सर्वात मोठी आघाडी मिळवली. कसोटी इतिहासातील पहिल्या डावात सर्वात मोठी आघाडी मिळवण्याचा विक्रम इंग्लंडच्या नावावर आहे.
Sri Lanka National Cricket Team vs New Zealand National Cricket Team: श्रीलंका राष्ट्रीय क्रिकेट संघ विरुद्ध न्यूझीलंड राष्ट्रीय क्रिकेट संघ यांच्यातील दुसरा कसोटी सामन्याला गुरुवारपासून सुरुवात झाली आहे. दोन्ही संघांमधील हा सामना गॅले आंतरराष्ट्रीय स्टेडियमवर खेळवला जात आहे. आज सामन्याचा तिसरा दिवस आहे. श्रीलंकेने दोन कसोटी सामन्यांच्या मालिकेत 1-0 अशी आघाडी घेतली आहे. दरम्यान, शनिवारी सामन्याच्या तिसऱ्या दिवशी न्यूझीलंडचा डाव पत्त्याच्या गठ्ठासारखा कोसळला. न्यूझीलंडने 88 धावांवर 10 विकेट गमावल्या. श्रीलंकेचा डावखुरा फिरकी गोलंदाज प्रभात जयसूर्याने 6 बळी घेतले आहेत. श्रीलंकेला 514 धावांची आघाडी घेतली.
श्रीलंकेचा मोठा विक्रम
514 धावांसह, श्रीलंकेने कसोटीच्या पहिल्या डावात फॉरमॅटच्या इतिहासातील चौथी सर्वात मोठी आघाडी मिळवली. कसोटी इतिहासातील पहिल्या डावात सर्वात मोठी आघाडी मिळवण्याचा विक्रम इंग्लंडच्या नावावर आहे. 1938 मध्ये इंग्लंडने ऑस्ट्रेलियाविरुद्ध पहिल्या डावात 702 धावांची आघाडी घेतली होती. तथापि, हे लक्षात घेण्यासारखे आहे की 1938 मध्ये इंग्लंड आणि ऑस्ट्रेलिया यांच्यात खेळल्या गेलेल्या कसोटीला वेळेची मर्यादा नव्हती. (हे देखील वाचा: Kamindu Mendis Record in Test: कामिंदू मेंडिसने 150 धावा करत रचला इतिहास, अशी कामगिरी करणारा जगातील पहिला खेळाडू ठरला)
कसोटीच्या पहिल्या डावातील सर्वात मोठी आघाडी
702 धावांची आघाडी - इंग्लंड विरुद्ध ऑस्ट्रेलिया द ओव्हल 1938 (वेळ मर्यादेशिवाय कसोटी)
587 धावांची आघाडी - दक्षिण आफ्रिका विरुद्ध एसएल कोलंबो 2006
570 धावांची आघाडी - पाकिस्तान विरुद्ध न्यूझीलंड लाहोर 2002
563 धावांची आघाडी - इंग्लंड विरुद्ध वेस्ट इंडिज किंग्स्टन 1930 (वेळ मर्यादेशिवाय कसोटी)
514 धावांची आघाडी - श्रीलंका विरुद्ध न्यूझीलंड गॅले 2024
509 धावांची आघाडी- इंग्लंड विरुद्ध एसए लॉर्ड्स 2003
504 धावांची आघाडी - ऑस्ट्रेलिया विरुद्ध इंग्लंड ब्रिस्बेन 1946.
श्रीलंकेने न्यूझीलंडला दिला फॉलोऑन
या सामन्यात प्रथम फलंदाजी करताना श्रीलंकेने 602/5 धावांवर डाव घोषित केला. त्यानंतर पहिल्या डावात फलंदाजीला आलेल्या न्यूझीलंडचा डाव 88 धावांत आटोपला. अशाप्रकारे 514 धावांची आघाडी मिळवणाऱ्या श्रीलंकेने न्यूझीलंडला फॉलोऑन देत पुन्हा फलंदाजीसाठी आमंत्रित केले.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)