Bangladesh चा शाकिब अल हसन T20 मध्ये सर्वाधिक विकेट घेणारा गोलंदाज, लसिथ मलिंगाचा तोडला रेकॉर्ड; एकही भारतीय गोलंदाज नाही आस-पास
बांगलादेशचा माजी कर्णधार शाकिब अल हसन स्कॉटलंडविरुद्ध चालू असलेल्या टी-20 वर्ल्ड कप पात्रता सामन्यात 108 विकेटसह फॉरमॅटमध्ये एकूण यादीत लसिथ मलिंगाला मागे टाकत टी-20 आंतरराष्ट्रीय क्रिकेटमध्ये सर्वाधिक विकेट घेणारा गोलंदाज बनला आहे. या यादीत पहिले तर भारतीय गोलंदाज त्याच्या आसपासही नाही आहेत.
बांगलादेशचा (Bangladesh) माजी कर्णधार शाकिब अल हसन (Shakib Al Hasan) स्कॉटलंड (Scotland) विरुद्ध चालू असलेल्या टी-20 वर्ल्ड कप पात्रता (T20 World Cup Qualifiers) सामन्यात 108 विकेटसह फॉरमॅटमध्ये एकूण यादीत लसिथ मलिंगाला (Lasith Malinga) मागे टाकत टी-20 आंतरराष्ट्रीय क्रिकेटमध्ये सर्वाधिक विकेट घेणारा गोलंदाज बनला आहे. शकीबने रिची बेरिंग्टन आणि माइकल लीस्कच्या विकेट्स घेतल्या आणि क्रिकेटमधून निवृत्ती घेतलेल्या मलिंगाला मागे टाकून आंतरराष्ट्रीय क्रिकेटच्या सर्वात कमी फॉरमॅटमध्ये सर्वाधिक विकेट घेणारा गोलंदाज बनला. शाकिबच्या नावावर सध्या 89 सामन्यात 108 विकेट्स आहेत. तसेच मलिंगाने श्रीलंकेसाठी 84 टी-20 सामन्यांमधील 107 विकेट घेतल्या आहेत. याशिवाय या यादीत टी-20 क्रिकेटमध्ये सर्वाधिक विकेट घेणाऱ्या गोलंदाजांच्या यादीकडे पहिले तर भारतीय गोलंदाज त्याच्या आसपासही नाही आहेत. न्यूझीलंडचा टीम साऊदी (99), पाकिस्तानचा शाहिद आफ्रिदी (98) आणि अफगाणिस्तानचा राशिद खान (95) पहिल्या पाचमध्ये आहेत.
रविवारपासून सुरू झालेल्या टी-20 विश्वचषक स्पर्धेत स्कॉटलंडविरुद्ध पहिल्या डावात शाकिबने तिशय प्रभावी गोलंदाजी करताना दोन विकेट घेतल्या. या फॉरमॅटमधील शाकिब एकमेव क्रिकेटपटू आहे, ज्याने एक हजाराहून अधिक धावा केल्या आहेत आणि शंभर विकेट्सही घेतल्या केल्या आहेत. दुसरीकडे, भारतीय गोलंदाजांबद्दल बोलायचे तर युजवेंद्र चहलचा टीम इंडिया (Team India) वर्ल्ड कप संघात समावेश झाला नसला तरी तो शाकिबच्या विक्रमापासून मैलाच्या अंतरावर आहे. चहल या यादीत 20 व्या क्रमांकावर आहे आणि त्याने आतापर्यंत 49 सामन्यात 63 विकेट घेतल्या आहेत. आता बघूया कोणता भारतीय गोलंदाज सर्वाधिक विकेटच्या बाबतीत शाकिबला मागे टाकतो, पण हे अलीकडेच घटना दिसत नाही आहे.
दरम्यान, टी- वर्ल्ड कप स्पर्धेअंतर्गत सुरु असलेल्या सामन्याबद्दल बोलायचे तर अल अमेरात येथे शाकिबचे प्रयत्न व्यर्थ ठरले कारण रविवारी स्कॉटलंडने बांगलादेशला त्यांच्या मोहिमेच्या सलामीच्या सामन्यात 6 धावांनी पराभूत केले. विजयासाठी 141 धावांचा पाठलाग करताना, स्कॉटलंडने बांगलादेशला 7 बाद 134 धावांवर रोखले आणि आयसीसीच्या प्रमुख स्पर्धेत कसोटी खेळणाऱ्या देशाविरुद्ध पहिला विजय नोंदवला. स्कॉटलंडचा सर्वात लहान स्वरूपातील विजय हा 19 सामन्यांपैकी दुसरा आणि भारतातील 2016 टी-20 वर्ल्ड कप (वि हाँगकाँग) नंतरचा पहिला विजय होता.