Shaheen Shah Afridi (Photo Credit - Twitter)

पाकिस्तानचा युवा वेगवान गोलंदाज शाहीन शाह आफ्रिदी (Shaheen Shah Afridi) हा जगातील सर्वोत्कृष्ट पांढऱ्या चेंडू गोलंदाजांपैकी एक आहे. त्याच्याकडे वेगवान गती आणि चेंडू स्विंग करायची ताकत आहे. गेल्या टी-20 विश्वचषकात त्याने भारतीय संघाची कमान तोडून टाकली होती. त्यामुळे पाहिल्यादांच टी-विश्वचषकाच्या इतिहासात भारताला पाकिस्तानकडून पराभव स्वीकारावा लागल. दरम्यान क्रिकेट दिग्गज सचिन तेंडुलकर (Sachin Tendulkar) म्हणतो की भारतीय फलंदाजांना डाव्या हाताच्या वेगवान गोलंदाजावर हल्ला करायचा असेल तर त्यांनी सरळ खेळण्याचा प्रयत्न केला पाहिजे. भारत आणि पाकिस्तान (IND vs PAK) संघ रविवारी मेलबर्न क्रिकेट ग्राउंड (MCG) येथे एकमेकांविरुद्ध टी-20 विश्वचषक 2022 (T20 World Cup 2022) मोहिमेची सुरुवात करणार आहे.

सचिनने पाकिस्तानच्या वसीम अक्रम विरुद्ध बरेच मर्यादित षटकांचे क्रिकेट खेळले आहे जो सर्व काळातील महान डावखुरा वेगवान गोलंदाजांपैकी एक आहे. जेव्हा सचिनला विचारण्यात आले की तो त्याच्या खेळाच्या दिवसांत शाहीनसारख्या प्रतिभावान गोलंदाजाविरुद्ध खेळला होता का, तेव्हा तो हसला आणि म्हणाला, "मी माझ्याकडे असे लक्ष दिले नाही. (हे देखील वाचा: T20 World Cup 2022: सुनील गावस्कर टीम इंडियावर भडकले, सराव सत्राशी संबंधित या निर्णयावर प्रश्न केले उपस्थित)

सचिनने आपले विचार शेअर करताना सांगितले की, “शाहीन हा आक्रमक गोलंदाज आहे आणि तो नेहमी विकेट घेण्याचा प्रयत्न करत असतो. तो चेंडूला 'पिच' करतो आणि चेंडू स्विंग करतो. त्याच्याकडे गोलंदाजाला बाद करण्याची क्षमता आहे. त्यामुळे त्याला 'स्ट्रेट' आणि 'व्ही'मध्ये खेळवण्याची रणनीती त्याच्याविरुद्ध असली पाहिजे.

दोन्ही संघांचे खेळाडू

भारत: रोहित शर्मा (कर्णधार), केएल राहुल, विराट कोहली, सूर्यकुमार यादव, दीपक हुडा, ऋषभ पंत, दिनेश कार्तिक, हार्दिक पंड्या, रविचंद्रन अश्विन, युझवेंद्र चहल, अक्षर पटेल, भुवनेश्वर कुमार, हर्षल पटेल, अर्शदीप सिंह आणि मोहम्मद शमी.

पाकिस्तान: बाबर आझम (कर्णधार), शादाब खान, आसिफ अली, फखर जमान, हैदर अली, हरिस रौफ, इफ्तिखार अहमद, खुशदिल शाह, मोहम्मद हसनैन, मोहम्मद नवाज, मोहम्मद रिझवान, मोहम्मद वसीम, नसीम शाह, शाहीन शाह आफ्रिदी आणि शान मसूद .