IND vs BAN Test Series 2022: रोहित शर्मा कसोटी मालिकेतून बाहेर जाण्याची शक्यता, 'या' खेळाडूला संघात मिळू शकते संधी
दुसऱ्या वनडेनंतर मुख्य प्रशिक्षक राहुल द्रविड (Rahul Dravid) यांनी पत्रकार परिषदेत सांगितले की, कर्णधार रोहित शर्मा (Rohit Sharma) मुंबईला जाणार आहे.
IND vs BAN: बांगलादेशविरुद्धच्या वनडे मालिकेतील दुसऱ्या सामन्यातील पराभवानंतर टीम इंडियाने (Team India) आधीच मालिका गमावली आहे. त्याचबरोबर कर्णधार रोहित शर्माच्या रूपाने संघाला मोठा झटका बसला आहे. दुसऱ्या वनडेनंतर मुख्य प्रशिक्षक राहुल द्रविड (Rahul Dravid) यांनी पत्रकार परिषदेत सांगितले की, कर्णधार रोहित शर्मा (Rohit Sharma) मुंबईला जाणार आहे. यानंतर तो कसोटी मालिकेतूनही बाहेर जाण्याची शक्यता वर्तवली जात आहे. आता प्रश्न असा पडतो की तो कसोटी मालिकेतूनही बाहेर पडला तर त्याच्या जागी कोणाला स्थान दिले जाईल. कारण एकदिवसीय मालिकेचा एकच सामना बाकी आहे पण कसोटी मालिकेतील दोन सामने होणार आहेत.
Tweet
#INDvBAN #INDvsBAN #BANvIND #BANvsIND #RohitSharma likely to be replaced by #AbhimanyuEaswaran 🏏
But @klrahul and @ShubmanGill would be opening the innings for #TeamIndia in the two Tests
More Here ⏩ https://t.co/0YzSBP6Dkd pic.twitter.com/c7g3sYUgP6
— TOI Sports (@toisports) December 8, 2022
अभिमन्यू ईश्वरन हे नाव चर्चेत
टीम इंडियाचा कर्णधार रोहित शर्माच्या जागी भारत अ संघाचा कर्णधार अभिमन्यू ईश्वरन हे नाव चर्चेत आहे. बांगलादेशविरुद्ध 18 डिसेंबरपासून चट्टोग्राम येथे सुरू होणाऱ्या दुसऱ्या कसोटी सामन्यासाठी दुखापतग्रस्त कर्णधार रोहित शर्माचे संरक्षण म्हणून ईश्वरनला बोलावले जाऊ शकते, असे वृत्त आहे. मिळालेल्या माहितीनुसार, डाव्या हाताच्या अंगठ्याचे हाड निखळल्यामुळे रोहित कसोटी मालिकेतून बाहेर पडला आहे. तसेच मोहम्मद शमी आधीच मालिकेतून बाहेर पडला तर त्याच्या जागी टीम इंडियाचा रायझिंग स्पीडस्टार उमरान मलिकला संधी मिळु शकते. (हे देखील वाचा: विश्वचषकापूर्वी Team India मध्ये होणार बदल, प्रशिक्षक Rahul Dravid ने सांगितला मास्टर प्लॅन)
टीम इंडियाचा कसोटी संघ: केएल राहुल (उपकर्णधार), रविचंद्रन अश्विन, केएस भरत (विकेटकीपर), शुभमन गिल, श्रेयस अय्यर, रवींद्र जडेजा, विराट कोहली, ऋषभ पंत (विकेटकीपर), अक्षर पटेल, चेतेश्वर पुजारा, मोहम्मद सिराज, शार्दुल ठाकूर, कुलदीप यादव, उमेश यादव.
(The above story first appeared on LatestLY on Dec 08, 2022 02:05 PM IST. For more news and updates on politics, world, sports, entertainment and lifestyle, log on to our website latestly.com).
