Yuvraj Singh Challenges Devdutt Padikkal: युवराज सिंहने देवदत्त पड्डीकल याला चॅलेंज दिल्यावर RCB फलंदाजाने दिली अशी प्रतिक्रिया

Yuvraj Singh Challenges Devdutt Padikkal: रॉयल चॅलेंजर्स बेंगलोरचा (Royal Challengers Bangalore) युवा खेळाडू देवदत्त पड्डीकलने (Devdutt Padikkal) आजवरच्या चार आयपीएल (IPL) सामन्यांमध्ये तीन अर्धशतक ठोकले आणि अपेक्षेनुसार कामगिरी बजावली आहे. शनिवारी अबु धाबी येथे राजस्थान रॉयल्सविरुद्ध संघाला 158 धावांचा पाठलाग करताना देवदत्तने तिसरे आयपीएल अर्धशतक ठोकले. जोफ्रा आर्चरच्या चेंडूवर बाद होण्यापूर्वी देवदत्तने 45 चेंडूत 63 धावा फटकावल्या. त्याच्या खेळीत त्याने एक षटकार ठोकला आणि चाहत्यांनी त्याच्या फलंदाजीच्या शैलीची तुलना भारताचा महान युवराज सिंहशी (Yuvraj Singh) केली. आरसीबीने आठ गडी राखून विजय मिळवल्यानंतर आरसीबी बॅट्समनच्या जबरदस्त कामगिरीचे कौतुक करण्यासाठी युवराजने ट्विटरवर पोस्ट शेअर केली. ट्वीटमध्ये युवराजने 20 वर्षीय फलंदाजांसह बॅटिंगची इच्छा व्यक्त केली आणि सांगितले की यापुढे कोण आणखी अधिक षटकार मारू शकेल हे पाहण्यास तो उत्सुक आहे. (IPL 2020: शुभमन गिल ते संजू सॅमसन; इंडियन प्रीमियर लीग 13 मध्ये 'हे' 5 युवा फलंदाज UAEमध्ये गाजवत आहे मैदान)

युवराजने लिहिले, “फॉर्म तात्पुरता, पण दर्जा कायम राहतो! विराट कोहलीला, मात्र गेल्या 8 वर्षांपासून मी फॉर्मच्या बाहेर पाहिले नाही जे खरोखर अविश्वसनीय आहे! पड्डीकल चांगली फलंदाजी करत आहे, त्याच्याबरोबर आता फलंदाजी करण्याची गरज आहे. मग पाहू कोण मोठे फटके खेळतो.” सिक्सर-किंग म्हणून ओळखल्या जाणाऱ्या युवीच्या या ट्विटवर आरसीबीच्या युवा फलंदाजानेही प्रतिक्रिया दिली आणि सांगितले की त्याने स्वतः युवराजकडून फ्लिक शॉट शिकला आहे. “पाजी तुझ्याशी स्पर्धा करत नाही. आपल्याकडून फ्लिक शिकलो. तुमच्याबरोबर नेहमी फलंदाजी करायची होती. चला जाऊया,” पडिकक्कलने लिहिले.

युवीचे ट्विट

पड्डीकलची प्रतिक्रिया:

पड्डीकलने या स्पर्धेत आतापर्यंत तीन अर्धशतकांच्या साहाय्याने 174 धावा केल्या आहेत. सर्वाधिक धावा करणाऱ्या फलंदाजांच्या यादीत तो चौथ्या क्रमांकावर आहे. विशेष म्हणजे त्याने ज्या सामन्यांमध्ये अर्धशतक केले तो सामना आरसीबीने जिंकला आहे. देवदत्तचे हे पहिले आयपीएल आहे आणि सनरायझर्स हैदराबादविरुद्ध पदार्पणाच्या सामन्यात त्याने 56 धावा केल्या होत्या.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)