IPL 2024 Schedule: चेन्नईत 22 मार्च रोजी होणार आयपलीएलचा उद्घाटन सोहळा! अंतिम सामना कधी? एका किल्कवर घ्या जाणून
चेन्नई सुपर किंग्जचे (CSK) सीईओ काशी विश्वनाथन यांनीही याबाबत माहिती दिली आहे. तथापि, यापूर्वी आयपीएलचे अध्यक्ष अरुण धुमाळ यांनीही 22 मार्चपासून स्पर्धा सुरू करण्याची योजना असल्याचे सांगितले होते. संपूर्ण वेळापत्रक जाहीर झाल्यानंतरच यावरील पडदा हटणार आहे.
IPL 2024 Schedule Opening Ceremony: इंडियन प्रीमियर लीग (IPL) ची 17 वी आवृत्ती केव्हा सुरू होईल यावर बराच काळ अटकळ होती. 22 मार्चपासून ही स्पर्धा सुरू होईल, अशी आशा चाहत्यांना आहे. आता चेन्नई सुपर किंग्जचे (CSK) सीईओ काशी विश्वनाथन यांनीही याबाबत माहिती दिली आहे. तथापि, यापूर्वी आयपीएलचे अध्यक्ष अरुण धुमाळ यांनीही 22 मार्चपासून स्पर्धा सुरू करण्याची योजना असल्याचे सांगितले होते. संपूर्ण वेळापत्रक जाहीर झाल्यानंतरच यावरील पडदा हटणार आहे. पण काशी विश्वनाथन यांनी उद्घाटन सोहळ्याबाबत एक मोठा अपडेट दिला आहे. चेन्नईचे सीईओ कासी विश्वनाथन म्हणाले की चेन्नई सुपर किंग्ज फ्रँचायझी आपला पहिला सामना कुठे खेळेल आणि कोणाविरुद्ध खेळेल हे स्पष्ट नाही. क्रिकबझशी बोलताना ते म्हणाले की, आयपीएलने सामन्यापूर्वी उद्घाटन समारंभ आयोजित करण्याची योजना आखली आहे. त्यांनी सांगितले की चेन्नई संघ गतविजेता आहे आणि त्यामुळेच या उद्घाटन समारंभाचे आयोजन करण्याची संधी मिळाली आहे.
अंतिम सामना कधी होणार?
आयपीएल 2024 चा अंतिम सामना 26 मे रोजी खेळवला जाऊ शकतो, अशी माहितीही क्रिकबझने आपल्या रिपोर्टमध्ये दिली आहे. मात्र, अद्याप पूर्ण वेळापत्रक जाहीर करण्यात आलेले नाही. लोकसभा निवडणुकीमुळे त्याचे वेळापत्रक दोन भागात येणार असल्याचे अध्यक्ष अरुण धुमाळ यांनी सांगितले होते. मिळालेल्या माहितीनुसार, पहिल्या 15 दिवसांचे वेळापत्रक जाहीर केले जाणार आहे. त्यानंतर निवडणुकीच्या तारखांनुसार पुढील वेळापत्रक ठरवले जाईल. (हे देखील वाचा: Rishabh Pant Wicket Keeping Practice: आयपीएलपूर्वी ऋषभ पंतने विकेटकीपिंगचा सराव केला सुरू, दिल्लीच्या कर्णधाराने शेअर केला सुंदर व्हिडिओ)
आयपीएल 2024 चे वेळापत्रक कधी होणार जाहीर?
आयपीएल 2024 च्या वेळापत्रकाबद्दल, ते कधी येईल याची कोणतीही विशिष्ट तारीख अद्याप माहित नाही. पण बुधवारी रात्री अचानक सोशल मीडियावर एक खळबळ उडाली की गुरुवार 22 फेब्रुवारीला आयपीएलचे वेळापत्रक जाहीर होणार आहे. आयपीएलचे वेळापत्रक 22 फेब्रुवारी रोजी संध्याकाळी 5 वाजता स्टार स्पोर्ट्स आणि जिओ सिनेमावर रिलीज होणार असल्याच्या पोस्ट सोशल मीडियावर दिसू लागल्या आहेत. यामध्ये पहिल्या 15 दिवसांचे वेळापत्रक जाहीर होणार असल्याचेही लोकांनी सांगितले. मात्र, याबाबत अधिकृत माहिती मिळण्याची प्रतीक्षा आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)