IND vs NZ (Photp Credit - X)

NZ Tour to India: 2025 अर्धे संपले आहे आणि उर्वरित अर्ध्या वर्षात टीम इंडियासाठी विविध देशांसोबत मालिका खेळणार आहे. 20 जूनपासून इंग्लंड दौऱ्यावर 5 सामन्यांची कसोटी मालिका खेळण्यासाठी भारतीय संघ सज्ज आहे. त्यानंतर टीम इंडिया वेस्ट इंडिजसोबत मायदेशात 2 सामन्यांची कसोटी मालिका खेळेल. यानंतर, टीम इंडिया ऑक्टोबर-नोव्हेंबरमध्ये ऑस्ट्रेलियाचा दौरा करेल जिथे दोन्ही संघांमध्ये 3 एकदिवसीय आणि 5 टी 20 सामने खेळले जातील. यानंतर, दक्षिण आफ्रिकेचा संघ नोव्हेंबर-डिसेंबरमध्ये भारतात येईल आणि तिन्ही फॉरमॅट खेळेल. म्हणजेच टीम इंडिया डिसेंबरपर्यंत खूप व्यस्त राहणार आहे.

भारत विरुद्ध न्यूझीलंड मालिकेसाठी 8 शहरांची निवड

टीम इंडिया नवीन वर्षाची सुरुवात म्हणजेच 2026 मध्ये न्यूझीलंडविरुद्ध खेळत करेल. न्यूझीलंड संघ एकदिवसीय आणि टी-20 मालिका खेळण्यासाठी भारतात येणार आहे. या दोन्ही मालिकांसाठी 8 शहरांची निवड करण्यात आली आहे. ज्यामध्ये जयपूर, मोहाली, इंदूर, राजकोट, गुवाहाटी, हैदराबाद, त्रिवेंद्रम आणि नागपूर यांचा समावेश आहे. एकदिवसीय मालिकेत एकूण 3 सामने खेळवले जातील तर टी-20 मालिकेत 5 सामने खेळवले जातील. अशा परिस्थितीत, 8 सामन्यांसाठी 8 शहरांची निवड करण्यात आली आहे. पुढील वर्षाच्या सुरुवातीला होणाऱ्या या दोन्ही मालिकांसाठी काही इतर ठिकाणांचाही विचार केला जात आहे.

अ‍ॅपेक्स कौन्सिल निर्णय घेईल

14 जून रोजी संध्याकाळी बीसीसीआयच्या अ‍ॅपेक्स कौन्सिलकडून न्यूझीलंड मालिकेचे वेळापत्रक अंतिम केले जाईल. ही बैठक दुपारी 4 वाजता ऑनलाइन होईल. ज्यामध्ये बीसीसीआय फ्रँचायझींसाठी आयपीएल विजय साजरा करण्यासाठी मार्गदर्शक तत्त्वे, नवीन वय पडताळणी प्रक्रिया आणि आगामी हंगामासाठी देशांतर्गत क्रिकेट कॅलेंडर देखील फायनल करेल.

टीम इंडिया आणि न्यूझीलंडमधील एकदिवसीय आणि टी-20 मालिकेनंतर, भारत आणि श्रीलंकेच्या संयुक्त यजमानपदाखाली फेब्रुवारी-मार्चमध्ये टी-20 विश्वचषक आयोजित केला जाईल. भारतीय संघ टी-20 विश्वचषकाचा गतविजेता आहे. या आयसीसी स्पर्धेनंतर लगेचच आयपीएल 2026 खेळवण्यात येईल.

2025 मध्ये टीम इंडियाचे उर्वरित वेळापत्रक

जून-ऑगस्ट 2025: इंग्लंड विरुद्ध - 5 कसोटी (WTC 2025-27)

ऑक्टोबर 2025: वेस्ट इंडिज विरुद्ध - 2 कसोटी (WTC 2025-27)

ऑक्टोबर-नोव्हेंबर 2025: ऑस्ट्रेलिया विरुद्ध - 3 एकदिवसीय, 5 टी 20 सामने

नोव्हेंबर-डिसेंबर 2025: दक्षिण आफ्रिका विरुद्ध - 2 कसोटी (WTC 2025-27), 3 एकदिवसीय, 5

2026 मध्ये टीम इंडियाचे वेळापत्रक

जानेवारी 2026: न्यूझीलंड विरुद्ध - 3 एकदिवसीय, 5 टी 20 सामने

फेब्रुवारी-मार्च 2026: टी 20 विश्वचषक 2026 (भारत/श्रीलंका)

जून 2026: अफगाणिस्तान विरुद्ध - 1 कसोटी, 3 एकदिवसीय

जुलै 2026: वि. इंग्लंड - 3 एकदिवसीय सामने, 5 टी 20 सामने