New Zealand Beat Sri Lanka, 1st ODI Match 2025 Full Highlights: पहिल्या एकदिवसीय सामन्यात न्यूझीलंडने श्रीलंकेचा नऊ गडी राखून पराभव करून मालिकेत 1-0 अशी घेतली आघाडी; पहा NZ vs SL सामन्याचे संपूर्ण हायलाइट्स येथे
लक्ष्याचा पाठलाग करताना न्यूझीलंड संघाने 26.2 षटकांत 180 धावा केल्या आणि सामना 9 गडी राखून जिंकला. विल यंगने 95 धावांची शानदार नाबाद खेळी खेळली. त्याने 86 चेंडूत 11 चौकारांच्या मदतीने ही खेळी खेळली.
New Zealand National Cricket Team vs Sri Lanka National Cricket Team, 1st ODI Match 2025 Video Highlights: न्यूझीलंड राष्ट्रीय क्रिकेट संघ विरुद्ध श्रीलंका राष्ट्रीय क्रिकेट संघ यांच्यातील तीन सामन्यांच्या एकदिवसीय मालिकेतील (ODI Series) पहिला सामना आज म्हणजेच 5 जानेवारी रोजी खेळला गेला. उभय संघांमधील हा सामना वेलिंग्टन (Wellington) येथील बेसिन रिझर्व्ह (Basin Reserve) येथे खेळला गेला. पहिल्या एकदिवसीय सामन्यात न्यूझीलंड संघाने श्रीलंकेचा नऊ गडी राखून पराभव केला आहे. यासह न्यूझीलंड संघाने मालिकेत 1-0 अशी आघाडी घेतली आहे. या मालिकेत न्यूझीलंडची कमान मिचेल सँटनरच्या (Mitchell Santner) खांद्यावर आहे. तर, श्रीलंकेचे नेतृत्व चरित असालंका (Charit Asalanka) करत आहे. (हेही वाचा - IPL 2025 RCB Captain: RCB च्या कर्णधाराबाबत नवीन अपडेट, या खेळाडूला मिळणार कमांड! विराट पुन्हा कर्णधार होणार नाही)
पाहा सामन्याची हायलाईट्स
पहिल्या एकदिवसीय सामन्यात श्रीलंकेचा कर्णधार चारिथ असलंका याने नाणेफेक गमावून प्रथम फलंदाजी केली आणि संपूर्ण संघ 43.4 षटकात 178 धावा करत सर्वबाद झाला. श्रीलंकेकडून अविष्का फर्नांडोने सर्वाधिक 56 धावा केल्या. त्याने ही खेळी 63 चेंडूत 5 चौकार आणि 1 षटकाराच्या मदतीने खेळली. जेनिथ लियानागेने 36 आणि वानिंदू हसरंगाने 35 धावांचे योगदान दिले. न्यूझीलंडसाठी मॅट हेन्रीने अप्रतिम गोलंदाजी करत 10 षटकांत 19 धावा देत 4 बळी घेतले. जेकब डफीने 8.4 षटकांत 39 धावांत 2 बळी घेतले, तर नॅथन स्मिथने 8 षटकांत 43 धावांत 2 बळी घेतले.
लक्ष्याचा पाठलाग करताना न्यूझीलंड संघाने 26.2 षटकांत 180 धावा केल्या आणि सामना 9 गडी राखून जिंकला. विल यंगने 95 धावांची शानदार नाबाद खेळी खेळली. त्याने 86 चेंडूत 11 चौकारांच्या मदतीने ही खेळी खेळली. रचिन रवींद्रने 36 चेंडूंत 8 चौकारांसह 45 धावा केल्या. मार्क चॅपमननेही नाबाद 29 धावा करत संघाला विजयाकडे नेले. श्रीलंकेकडून चामिंडू विक्रमसिंघे याने 3.2 षटकात 28 धावा देत एकमेव विकेट घेतली. वानिंदू हसरंगा आणि असिथा फर्नांडो यांना यश मिळाले नाही.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)