पहिले फलंदाजी करत टीम इंडियाने दिलेल्या 297 धावांच्या प्रत्युत्तरात किवी संघाने 46. ओव्हरमध्ये 5 विकेटने विजय मिळवला. मार्टिन गप्टिल, हेन्री निकोल्स यांच्या अर्धशतक आणि अखेरच्या ओव्हरमध्ये टॉम लाथम यांच्या फटकेबाजीच्या जोरावर किवी संघाने विजय मिळवला आणि मालिकेत टीम इंडियाचा क्लीन स्वीप केला. टॉम लाथम आणि कॉलिन डी ग्रैंडहोम यांनी अनुक्रमे नाबाद 32 आणि 58 धावा करत संघाचा विजय निश्चित केला.
Live
IND vs NZ 3rd ODI Highlights: तिसऱ्या वनडेसह न्यूझीलंडने जिंकली वनडे मालिका, टीम इंडियाचा 3-0 ने केला क्लीन स्वीप
भारतीय संघ जेव्हा न्यूझीलंडविरुद्ध तिसर्‍या आणि अंतिम वनडे सामन्यासाठी प्रवेश करेल, तेव्हा ते 'व्हाईटवॉश' टाळण्याचा प्रयत्न करतील. नियमित कर्णधार केन विल्यमसन याच्या दुखापतीनंतरही यजमान किवी संघाने पहिल्या दोन्ही सामन्यात विजय मिळवला आणि मालिका खिशात घातली.
11 Feb, 20:24 (IST)
44 षटकांनंतर पाच गडी गमावून किवी संघाची धावसंख्या 265 धावा आहे. विजयासाठी अद्याप संघाला 36 चेंडूत 32 धावांची गरज आहे.
11 Feb, 20:05 (IST)
युजवेंद्र चहलने भारतालापाचवे यश मिळवून दिले. चहलने ओव्हरच्या पाचव्या चेंडूवर जिमी नीशमला विराट कोहलीकडे कॅच केले. नीशम चहलचा तिसरा बळी बनला. 25 चेंडूत 19 धावा करून नीशम परतला.
11 Feb, 19:49 (IST)
न्यूझीलंडने चार विकेट गमावून 36 ओव्हरमध्ये 207 धावा केल्या. टॉम लाथम 10 आणि जिमी नीशम 12 धावा करून खेळत आहे. किवी संघाला तिसरा सामना जिंकून क्लीन स्वीप पूर्ण करण्यासाठी 84 चेंडूत 90 धावांची गरज आहे.
11 Feb, 19:38 (IST)
भारताला 32.5 षटकांतचौथे यश मिळाले. शार्दुल ठाकूरच्या चेंडूवर यष्टीरक्षक केएल राहुलने हेन्री निकोल्सचा झेल टिपला. निकोल्स 103 चेंडूंत 9 चौकारांसह 80 धावा करून पॅव्हिलियनमध्ये परतला. नवा फलंदाज जिमी नीशम दाखल झाला आहे.
11 Feb, 19:30 (IST)
रवींद्र जडेजाने भारताला तिसरे यश मिळवून. जडेजाने ओव्हरच्या चौथ्या चेंडूवर धोकादायक रॉस टेलरला कॅप्टन विराट कोहलीकडे कॅच आऊट केले. पहिल्या सामन्यात शतक आणि दुसऱ्यात अर्धशतक करणारा टेलर आज 18 चेंडूत 12 धावा करून माघारी परतला.
11 Feb, 19:22 (IST)
न्यूझीलंडच्या डावातील 30 ओव्हर संपले आहेत. न्यूझीलंडने दोन विकेट गमावून 175 धावा केल्या. हेन्री निकोल्स आणि रॉस टेलर धावा करून खेळत आहे. न्यूझीलंडचा विजय जवळपास निश्चित दिसत आहे. त्यांना आता 20 ओव्हरमध्ये जिंकण्यासाठी 122 धावांची गरज आहे, शिवाय त्यांच्याकडे 8 विकेटदेखील शिल्लक आहे.
11 Feb, 19:12 (IST)
युजवेंद्र चहल ने भारताला दुसरे यश मिळवून दिले. 21 च्या वैयक्तिक स्कोरवर किवी कर्णधार केन विल्यमसन मयंक अग्रवालकडे कॅच आऊट झाला. यासह चहलने हेन्री निकोल्स आणि विल्यमसनमधील अर्धशतकी भागीदारी मोडली.
11 Feb, 19:04 (IST)
टीम इंडियाने दिलेल्या लक्ष्याचा पाठलाग करताना यजमान संघ न्यूझीलंडने 26.1 षटकांत एक गडी गमावून 150 धावा पूर्ण केल्या आहेत. कर्णधार केन विल्यमसन 21 आणि हेन्री निकोल्स 60 धावा करून खेळत आहे.
11 Feb, 19:00 (IST)
25 ओव्हरचा खेळ संपला आहे आणि न्यूझीलंड संघाने भारताच्या 297 धावांच्या प्रत्युत्तरात एक विकेट गमवून 149 धावा केल्या आहे. केन विल्यमसन 21 आणि हेन्री निकोल्स 59 धावा करून खेळत आहे यजमान किवी टीम इंडियाला जिंकण्यासाठी 150 चेंडूत 153 धावांची गरज आहे.
11 Feb, 18:54 (IST)
किवी सलामीवीर हेनरी निकोल्स ने शानदार फलंदाजी करत आपल्या आंतरराष्ट्रीयवनडे कारकीर्दीचे 11 वे अर्धशतक पूर्ण केले. निकोल्स सध्या 72 चेंडूच्या मदतीने पाच चौकार ठोकत 50 धावा करून खेळत आहे.
11 Feb, 18:33 (IST)
युझवेंद्र चहलने 17 व्या षटकात भारताला आवश्यक विकेट मिळवून दिली. षटकांच्या तिसर्‍या चेंडूवर चहलने किवी सलामी फलंदाज मार्टिन गप्टिलला बोल्ड केले. 46 चेंडूत 66 धावा करून गप्टिल माघारी परतला.
11 Feb, 18:19 (IST)
भारताने दिलेल्या 297 धावांच्या प्रत्युत्तरात न्यूझीलंड सलामी जोडीने चांगली सुरुवात केली. 15 ओव्हरचा खेळ संपला असून किवी टीमने एकी विकेट न गमावता 103 धावा केल्या आहेत. मार्टिन गप्टिल 65 आणि हेन्री निकोल्स 35 धावा करून खेळत आहे. ओव्हरच्या तिसऱ्या चेंडूवर निकोल्सने चौकार मारला आणि 100 धावा पूर्ण केल्या.
11 Feb, 18:07 (IST)
किवी सलामी जोडी मार्टिन गप्टिल आणि हेन्री निकोल्सने भारताविरुद्ध चांगली सुरुवात करून दिली. दोघांनी अर्धशतकी भागीदारी केली. यादरम्यान गप्टिलने 29 चेंडूत 37 वे वनडे अर्धशतक पूर्ण केले. गप्टिलने या डावात 6 चौकार आणि 4 षटकार मारले.
11 Feb, 18:00 (IST)
भारताने दिलेल्या 297 धावांच्या प्रत्युत्तरात न्यूझीलंडच्या पहिल्या दहा ओव्हर संपल्या आहेत आणि यजमान टीमने एकही विकेट न गमावता धावा केल्या. न्यूझीलंडकडून मार्टिन गप्टिल 43 आणि हेन्री निकोल्स 20 धावा करून खेळत आहे.
11 Feb, 17:38 (IST)
भारताने दिलेल्या 297 धावांच्या प्रत्युत्तरात न्यूझीलंडसाठी चांगली सुरुवात. पाच षटकांनंतर त्याने कोणतीही विकेट न गमावता 10 धावा केल्या आहेत. मार्टिन गप्टिल 17 आणि हेन्री निकोल्स 7 धावा करून खेळत आहे.
11 Feb, 17:28 (IST)
वेगवान गोलंदाज जसप्रीत बुमराहने भारतीय संघासाठी पहिला ओव्हर टाकली. बुमराहच्या या षटकात किवी फलंदाजांनी एक चौकार आणि तिहेरीच्या मदतीने एकूण सात धावा केल्या. एका ओव्हरनंतर एकही विकेट न गमावता न्यूझीलंडने सात धावा केल्या. मार्टिन गुप्टिल 7 आणि हेन्री निकोल संघाकडून 0 धावा करत आहेत.
11 Feb, 16:48 (IST)
टॉस गमावून पहिले फलंदाजी करत टीम इंडियाने केएल राहुल याचे शतक आणि श्रेयस अय्यर याच्या अर्धशतकाच्या जोरावर निर्धारित ओव्हरमध्ये 7 विकेट्स गमावून 296 धावा केल्या आणि न्यूझीलंडसमोर क्लीन स्वीप टाळण्यासाठी 297 धावांचे लक्ष्य दिले. भारताकडून राहुलने 112 धावा, श्रेयस 62 आणि मनीष पांडे 42 धावा केल्या. दुसरीकडे, न्यूझीलंडकडून हमीश बेनेट 4, काईल जैमीसन, आणि जेम्स नीशम यांनी प्रत्येकी 1 गडी बाद केला.
11 Feb, 16:41 (IST)
हमीश बेनेटने शार्दुल ठाकूरला ओव्हरच्या दुसर्‍या बॉलवर पॅव्हेलियनमध्ये पाठवले. ठाकूरने फुल टॉस बॉलवर शॉट खेळला पण कॉलिन डी ग्रैंडहोमने त्याला झेलबाद केले. सहा चेंडूत सात धावा करून शार्दूल परतला.
11 Feb, 16:30 (IST)
हमीष बेनेटने न्यूझीलंडला दोन मोठ्या विकेट्स मिळवून दिल्या. केएल राहुल आणि मनीष पांडेची डोकादायक भागीदारी त्याने मोडली आणि सलग दोन चेंडूवर दोघांना परतीचा मार्ग दाखवला. राहुल 112 आणि मनीषने 42 धावा केल्या.
भारतीय संघ (Indian Team) जेव्हा न्यूझीलंड (New Zealand) विरुद्ध तिसर्‍या आणि अंतिम वनडे सामन्यासाठी प्रवेश करेल, तेव्हा ते 'व्हाईटवॉश' टाळण्याचा प्रयत्न करतील. नियमित कर्णधार केन विल्यमसन (Kane Williamson) याच्या दुखापतीनंतरही यजमान किवी संघाने पहिल्या दोन्ही सामन्यात विजय मिळवला आणि मालिका खिशात घातली. टी-20 मालिकेतील लज्जास्पद पराभव विसरून किवी संघाने वनडे मालिकेत प्रभावी कामगिरी बजावली. आता मालिकेतील अंतिम सामन्यात विल्यमसन पुनरागमन करू शकतो. टी-20 सामन्या दरम्यान किवी कर्णधाराला दुखापत झाली होती ज्यामुळे त्याला मालिकेतील वनडे मालिकेच्या पहिल्या दोन्ही सामन्यांना मुकावे लागले होते. दुसरीकडे, भारताने प्लेयिंग इलेव्हनमध्ये बदल करण्याची शक्यता कमी आहे. मात्र त्यांच्या सलामी जोडीला फलंदाजीत सुधार करण्याची गरज आहे.
हॅमिल्टनमध्ये खेळण्यात आलेल्या पहिला वनडे सामना न्यूझीलंडने 4 विकेटने जिंकला, यानंतर ऑकलँडमधील सामन्यात भारतीय संघाला 22 धावांनी पराभव पत्करावा लागला. आतापर्यंत मालिकेत किवीचा खेळाडू रॉस टेलरने सर्वाधिक 182 धावा केल्या आणि त्यानंतर भारतीय खेळाडू श्रेयस अय्यरने 155 धावा केल्या आहेत. गोलंदाजीत टिम साऊथी ने विकेट्स घेल्या, शार्दुल ठाकूर आणि युजवेंद्र चहलने प्रत्येकी 3-3 विकेट्ससह दुसरे स्थान मिळवले आहे. भारताकडून वेगवान गोलंदाज जसप्रीत बुमराह याने दुखापतीनंतर पुनरागमन केले, पण तो आजचवरच्या दोन्ही मालिकांमध्ये फ्लॉप ठरला. बुमराहने मागील 5 वनडे सामन्यांमध्ये 277 च्या स्ट्राईक रेटने फक्त 1 विकेट घेतली आहे. मागील तीन सामन्यात त्याला एकही विकेट मिळाली असल्याचे त्याच्या कारकिर्दीत पहिल्यांदा झाले आहे. (सामन्याचा लाईव्ह स्कोअर पाहण्यासाठी येथे क्लिक करा)
दोन्ही संघ
भारत वनडे टीम: केएल राहुल (विकेटकीपर), मयंक अग्रवाल, विराट कोहली (कॅप्टन), श्रेयस अय्यर, मनीष पांडे, शिवम दूबे, रवींद्र जडेजा, नवदीप सैनी, मोहम्मद शमी, युजवेंद्र चहल, जसप्रीत बुमराह, पृथ्वी शॉ, कुलदीप यादव, ऋषभ पंत, शार्दुल ठाकुर.
न्यूझीलंड वनडे टीम: मार्टिन गप्टिल, हेन्री निकोल्स, रॉस टेलर, टॉम लाथम (कॅप्टन/विकेटकीपर), मार्क चैपमैन, जिमी नीशम, कॉलिन डी ग्रैंडहोम, मिशेल सॅटनर, टिम साउथी, हामिश बेनेट, ईश सोढी, टॉम ब्लंडेल, काइल जैमिसन, स्कॉट कुग्गेलैन.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)