ICC Men’s Test Player Rankings: कसोटी क्रमवारीत जैस्वालची 'यशस्वी' झेप, बाबर आझमला दिला धक्का; विराट-रोहितसह 'या' फलंदाजांना झाला फायदा
पाकिस्तानचा माजी कर्णधार बाबर आझमला (Babar Azam) क्रमवारीत मोठा फटका बसला आहे. तर इंग्लंडचा युवा खेळाडू हॅरी ब्रूकला (Harry Brooke) याचा सर्वाधिक फायदा झाला आहे. त्याचबरोबर भारताच्या विराट कोहली (Virat Kohli) आणि यशस्वी जैस्वाल (Yashasvi Jaiswal) यांनाही यावेळी फायदा झाला आहे.
मुंबई: पाकिस्तान आणि बांगलादेश यांच्यात खेळल्या जाणाऱ्या कसोटीदरम्यान आयसीसीने नवीन कसोटी क्रमवारी (ICC Men’s Test Player Rankings) जाहीर केली आहे. यावेळी क्रमवारीत मोठा बदल करण्यात आला आहे. पाकिस्तानचा माजी कर्णधार बाबर आझमला (Babar Azam) क्रमवारीत मोठा फटका बसला आहे. तर इंग्लंडचा युवा खेळाडू हॅरी ब्रूकला (Harry Brooke) याचा सर्वाधिक फायदा झाला आहे. त्याचबरोबर भारताच्या विराट कोहली (Virat Kohli) आणि यशस्वी जैस्वाल (Yashasvi Jaiswal) यांनाही यावेळी फायदा झाला आहे. ताज्या आयसीसी क्रमवारीत इंग्लंडचा फलंदाज जो रूट (Joe Root) पहिल्या क्रमांकावर कायम आहे. त्याचबरोबर न्यूझीलंडचा केन विल्यमसन (Kane Williamson) दुसऱ्या क्रमांकावर आहे. तर किवी फलंदाज डॅरिल मिशेल तिसऱ्या क्रमांकावर आहे.
बाबरचे झाले नुकसान झाले
आयसीसीच्या नव्या कसोटी क्रमवारीत पाकिस्तानचा फलंदाज बाबर आझमला सर्वाधिक फटका बसला आहे. फलंदाजांच्या क्रमवारीत तो तिसऱ्या स्थानावरून 9व्या स्थानावर घसरला आहे. गेल्या आठवड्यात तो तिसऱ्या क्रमांकावर होता. सध्या तो टॉप 10 मधून बाहेर पडण्याच्या मार्गावर आहे. याशिवाय टीम इंडियाच्या तीन फलंदाजांना खूप फायदा झाला आहे.
Big shifts in the ICC Men's Test Player Rankings following the #ENGvSL and #PAKvBAN matches 📈📉#WTC25 | Details 👇https://t.co/Tna2KVtZLH
— ICC (@ICC) August 28, 2024
रोहित शर्मा सहाव्या स्थानावर पोहोचला आहे. यशस्वी जैस्वाललाही एका स्थानाचा फायदा झाला आहे. तो आता सातव्या स्थानावर पोहोचला आहे. टीम इंडियाचा स्टार फलंदाज विराट कोहली आता 2 स्थानांच्या प्रगतीसह 8व्या स्थानावर पोहोचला आहे.
रिझवान, हॅरी ब्रूक आणि रहीम यांना फायदा
बांगलादेशविरुद्धच्या पहिल्या कसोटी सामन्यात शानदार शतक झळकावणारा पाकिस्तानचा यष्टीरक्षक फलंदाज मोहम्मद रिझवानलाही फायदा झाला आहे. तो 7 स्थानांच्या वाढीसह संयुक्त 10व्या स्थानावर पोहोचला आहे. त्याने रावळपिंडी कसोटीत बांगलादेशविरुद्ध नाबाद 171 आणि 51 धावांची खेळी केली होती.
Babar Azam has dropped six places in the latest ICC test rankings#Ranking #BabarAzam pic.twitter.com/3vCaJAxicd
— Mohammad Sufian (@realsufiankhan) August 28, 2024
जर आपण इंग्लंडच्या हॅरी ब्रूकबद्दल बोललो तर त्याला 3 स्थानांचा फायदा झाला आहे. तो चौथ्या स्थानावर पोहोचला आहे. श्रीलंकेविरुद्धच्या पहिल्या कसोटीत त्याने 56 आणि 32 धावा केल्या होत्या. त्याचबरोबर पाकिस्तानविरुद्धच्या पहिल्या कसोटी सामन्यात 191 धावांची खेळी करणाऱ्या मुशफिकर रहीमला 7 स्थानांचा फायदा झाला आहे. तो 17 व्या स्थानावर पोहोचला आहे.
(The above story first appeared on LatestLY on Aug 28, 2024 03:43 PM IST. For more news and updates on politics, world, sports, entertainment and lifestyle, log on to our website latestly.com).
