IPL 2020 Update: दिल्ली कॅपिटल्ससाठी फिनिशरच्या भूमिकेसाठी अजिंक्य रहाणे सज्ज, आयपीएल 13 मध्ये मिडल-ऑर्डरमध्ये करू शकतो बॅटिंग
टीम इंडियाचा फलंदाज अजिंक्य रहाणे टी-20 मध्ये डावाची सुरूवात करतो, पण यंदा इंडियन प्रीमिअर लीगमध्ये (आयपीएल) दिल्ली कॅपिटलसाठी फिनिशरची भूमिका निभावण्यासाठी तयार असल्याचं तो म्हणाला. दिल्ली संघात अव्वल फळीत अनेक फलंदाजांच्या उपस्थितीमुळे भारतीय कसोटी संघाचा उपकर्णधार संयुक्त अरब अमिरातीमध्ये (युएई) होणाऱ्या आयपीएलमध्ये 'फिनिशर'च्या भूमिकेत दिसू शकतो.
टीम इंडियाचा फलंदाज अजिंक्य रहाणे (Ajinkya Rahane) टी-20 मध्ये डावाची सुरूवात करतो, पण यंदा इंडियन प्रीमिअर लीगमध्ये (Indian Premier League) दिल्ली कॅपिटलसाठी (Delhi Capitals) फिनिशरची भूमिका निभावण्यासाठी तयार असल्याचं तो म्हणाला. दिल्ली संघात अव्वल फळीत अनेक फलंदाजांच्या उपस्थितीमुळे भारतीय कसोटी संघाचा उपकर्णधार संयुक्त अरब अमिरातीमध्ये (युएई) होणाऱ्या आयपीएलमध्ये (IPL) 'फिनिशर'च्या भूमिकेत दिसू शकतो. यंदा दिल्ली कॅपिटल्समध्ये सामील झालेल्या रहाणेला शिखर धवन, पृथ्वी शॉ, श्रेयस अय्यर, शिमरॉन हेटमायर आणि रिषभ पंत यांच्यानंतर फलंदाजी करण्यासाठी येऊ शकतो. रहाणेला संघात त्यांच्या भूमिकेबद्दल विचारले असता तो म्हणाला, "मला माहित नाही. आम्हाला प्रतीक्षा करावी लागेल कारण आता आपल्याला सराव सत्र सुरू करायचं आहे आणि त्यानंतर त्यावर चर्चा होईल. मी माझ्या कारकीर्दीत डावाची सुरुवात केली आणि मी त्याचा पूर्णपणे आनंद घेतला परंतु संघात मला कोणती भूमिका द्यायची आहे हे टीम मॅनेजमेंटवर पूर्णपणे अवलंबून आहे. मी ती भूमिका शंभर टक्के निभावेन." (IPL 2020 Update: एबी डिव्हिलियर्स RCB साठी सांभाळणार विकेटकिपिंगची जबाबदारी, आयपीएल 13 पूर्वी प्रशिक्षक सायमन कॅटीच यांचे संकेत)
टी-20 मध्ये फिनिशरच्या भूमिकेबाबत रहाणे म्हणाला की, जर मला पाचव्या किंवा सहाव्या क्रमांकावर फलंदाजी करण्यास सांगितले गेले तर मला ते नक्कीच करायला आवडेल कारण ही माझ्यासाठी नवीन भूमिका असेल आणि यामुळे माझा खेळ विस्तारण्यास मला मदत होईल. आपण मला विचारल्यास, माझे उत्तर होय असेल, मी तयार आहे." गेल्या वर्षी वर्ल्ड कप संघाचा भाग न घेतल्याबद्दल रहाणेला अजूनही निराशा आहे. दरम्यान, टी-20 क्रिकेटमध्ये रहाणे कारकीर्दीच्या 5,000 धावा पूर्ण करण्यापासून केवळ 12 धावा दूर आहे. त्याने आजवर 196 सामन्यात 4988 धावा केल्या आहेत.
तो म्हणाला की वर्ल्ड कपमध्ये त्याला चौथ्या क्रमांकावर फलंदाजी करायला हवे होते असे वाटते. ही एक जुनी गोष्ट आहे आणि वनडे संघात पुनरागमन करणे आणि मर्यादित षटकांच्या क्रिकेटमध्ये चांगले प्रदर्शन करणे हेच ध्येय आहे. दिल्ली कॅपिटल्सचे मुख्य प्रशिक्षक रिकी पॉन्टिंगच्या नेतृत्वात रहाणेचा हा पहिला कार्यकाळ असेल आणि ऑस्ट्रेलियाच्या माजी कर्णधारपदाकडून मिळालेल्या टिप्समुळे एकूणच एक चांगला क्रिकेटपटू होण्यास मदत होईल याची त्याला खात्री आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)