ICC T20 World Cup 2024: टी-20 विश्वचषकात 'या' गोलंदाजांनी दाखवली आपली दहशत, सामन्याच्या पहिल्याच चेंडूवर घेतल्या विकेट
भारतीय संघाचा वेगवान गोलंदांज अर्शदीपने विश्वचषकात चमकदार कामगिरी केली आहे. त्याने अमेरिकेविरुद्ध 4 विकेट घेतल्या होत्या. तर, अमेरिकेचा सलामीचा फलंदांज शायनने जहांगीरला पाहिल्याच चेंडूवर पॅव्हेलियनचा रस्ता दाखवला.
ICC T20 World Cup 2024: टी-20 विश्वचषकात (T20 World Cup 2024) आता चुरशीची लढत पाहायला मिळाणार आहे. भारताने तिन्ही सामने जिंकून सुपर-8 च्या लढतीत आपले स्थान पक्के केले आहे. आता भारताचा पुढील सामना कॅनडाविरुद्ध (IND vs CAN) होणार आहे. तर, सुपर-8 मध्ये भारताचा पहिला सामना 20 जुलेला अफगाणिस्तानसोबत (IND vs AFG) होणार आहे. भारत अफगाणिस्तान शिवाय ऑस्ट्रेलिया, वेस्टइंडिज आणि दक्षिण आफ्रिका यांनी सुपर-8 मध्ये ऍन्ट्री घेतली आहे. दरम्यान, विश्वचषकात आतापर्यंत पुर्णपणे गोलंदांजांचे वर्चस्व दिसुन आले आहे. (हे देखील वाचा: IND vs CAN 33rd Match: अर्शदीप सिंग कॅनडाविरुद्ध करु शकतो मोठी कामगिरी, आर अश्विनच्या 'या' अनोख्या विक्रमाकडे असेल नजर)
अर्शदीपची विश्वचषकात चमकदार कामगिरी
भारतीय संघाचा वेगवान गोलंदांज अर्शदीपने विश्वचषकात चमकदार कामगिरी केली आहे. त्याने अमेरिकेविरुद्ध 4 विकेट घेतल्या होत्या. तर, अमेरिकेचा सलामीचा फलंदांज शायनने जहांगीरला पाहिल्याच चेंडूवर पॅव्हेलियनचा रस्ता दाखवला. दरम्यान, टी-20 विश्वचषकातील सामन्याच्या पहिल्या चेंडूवर विकेट घेणाऱ्या सर्व गोलंदाजांवर एक नजर टाकूया.
या गोलंदाजांनी पहिल्याच चेंडूवर घेतल्या आहेत विकेट
मश्रफी मोर्तझा: बांगलादेशचा माजी वेगवान गोलंदाज मशरफी मोर्तझा हा पराक्रम करणारा पहिला गोलंदाज ठरला. 2014 च्या मोसमात मोर्तझाने अफगाणिस्तानविरुद्धच्या सामन्यात मोहम्मद शहजादला गोल्डन डकवर बाद केले होते. सामन्याच्या पहिल्या चेंडूवर मोहम्मद शहजादने जोरदार शॉट खेळण्याचा प्रयत्न केला आणि मिड-ऑफ प्रदेशात महमुदुल्लाहने उत्कृष्ट झेल घेतला. बांगलादेशने हा सामना 9 विकेटने जिंकला होता.
शापूर झदरन: अफगाणिस्तान संघाच्या शापूर झद्राननेही आयसीसी टी-20 विश्वचषक 2014 हंगामात हाँगकाँगविरुद्ध ही कामगिरी केली. शापूर झद्रानने पहिल्याच चेंडूवर विरोधी सलामीवीर इरफान अहमदला क्लीन बोल्ट केले होते. त्या सामन्यात शापूर जद्रानने 4 षटकात 27 धावा देत 2 बळी घेतले होते. त्या सामन्यात अफगाणिस्तानने हाँगकाँगचा 7 गडी राखून पराभव केला होता.
रुबेन ट्रम्पेलमन: नामिबियाचा स्टार वेगवान गोलंदाज रुबेन ट्रम्पेलमॅनने 2021 च्या मोसमात स्कॉटलंडविरुद्ध ही कामगिरी केली. रुबेन ट्रम्पलमनने एका चांगल्या लांबीच्या चेंडूने सुरुवात केली, ज्यामध्ये स्कॉटलंडचा सलामीवीर जॉर्ज मुन्से कट शॉट खेळण्याच्या प्रयत्नात बोल्ड झाला. त्या सामन्यात रुबेन ट्रम्पलमनने 17 धावा देत 3 बळी घेतले आणि नामिबियाला 4 विकेटने विजय मिळवून दिला.
रुबेन ट्रम्पलमन: रुबेन ट्रम्पलमन हा एकमेव गोलंदाज आहे ज्याने दोनदा ही कामगिरी केली आहे. चालू मोसमात रुबेन ट्रम्पलमनने ओमानचा सलामीवीर कश्यप प्रजापतीला पहिल्याच चेंडूवर शून्यावर बाद केले होते. रुबेन ट्रम्पलमनने मिडल आणि लेग स्टंपवर एक पूर्ण आणि सरळ चेंडू टाकला, ज्यात कश्यप प्रजापती एलबीडब्ल्यूच्या पायचीत झाला. रुबेन ट्रम्पलमनने पुढच्याच चेंडूवर आकिब इलियासला बाद केले. या सामन्यात रुबेन ट्रम्पलमनने 4 विकेट घेतल्याने नामिबियाने सुपर ओव्हरमध्ये सामना जिंकला.
अर्शदीप सिंग: टीम इंडियाचा युवा वेगवान गोलंदाज अर्शदीपने नुकतेच या यादीत आपले नाव नोंदवले आहे. अर्शदीप सिंगने अमेरिकेविरुद्ध पहिल्याच चेंडूवर शायन जहांगीरला आपला बळी बनवले. अर्शदीप सिंगने उजव्या हाताचा फलंदाज जहांगीरला पहिल्याच चेंडूवर एलबीडब्ल्यू आऊट केले. अर्शदीप सिंगने 9 धावा देत 4 बळी घेतले. संघाने हा सामना 7 गडी राखून जिंकला. यासह अर्शदीप सिंग आयसीसी टी-20 विश्वचषकात सर्वोत्तम गोलंदाजी करणारा भारतीय गोलंदाज बनला आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)