ICC Test Team of The Year 2024: आयसीसीने जगातील सर्वोत्तम कसोटी संघ केला जाहीर, 'या' 3 भारतीय खेळाडूंना मिळाले स्थान
आयसीसीने वर्षातील सर्वोत्तम पुरुष कसोटी संघाची घोषणा केली आहे. खराब कामगिरीमुळे विराट कोहली आणि रोहित शर्मा यांना या संघात स्थान मिळालेले नाही, तरीही 3 भारतीय खेळाडू 2024 च्या कसोटीतील सर्वोत्तम संघात स्थान मिळवण्यात यशस्वी झाले आहेत.
ICC Test Team of The Year 2024: आयसीसीने वर्षातील सर्वोत्तम पुरुष कसोटी संघाची घोषणा केली आहे. खराब कामगिरीमुळे विराट कोहली आणि रोहित शर्मा यांना या संघात स्थान मिळालेले नाही, तरीही 3 भारतीय खेळाडू 2024 च्या कसोटीतील सर्वोत्तम संघात स्थान मिळवण्यात यशस्वी झाले आहेत. या तीन भारतीय खेळाडूंची नावे जसप्रीत बुमराह, रवींद्र जडेजा आणि यशस्वी जैस्वाल अशी आहेत. ऑस्ट्रेलियाला पुन्हा एकदा कसोटीत जगातील नंबर-1 संघ बनवणाऱ्या पॅट कमिन्सला वर्षातील सर्वोत्तम कसोटी संघाचा कर्णधार बनवण्यात आले आहे. (हे देखील वाचा: ICC ODI Team of The Year 2024: आयसीसीने 2024 चा सर्वोत्तम एकदिवसीय संघ केला जाहीर, कोण झाला कर्णधार घ्या जाणून)
जसप्रीत बुमराह, यशस्वी जैस्वाल आणि रवींद्र जडेजा चमकले
कसोटी सामन्यांबद्दल बोलायचे झाले तर, 2024 मध्ये जसप्रीत बुमराह सर्वाधिक विकेट घेणारा गोलंदाज होता. त्याने त्या वर्षात 13 सामन्यांमध्ये 71 विकेट्स घेतल्या. कसोटी सामन्यांमध्ये त्याचे वर्चस्व इतके होते की सर्वाधिक विकेट्स घेण्याच्या बाबतीत दुसऱ्या क्रमांकावर असलेल्या इंग्लंडच्या गस अ‍ॅटकिन्सनने बुमराहपेक्षा 19 विकेट्स कमी घेतल्या.
आयसीसी टेस्ट टीम ऑफ द इयर: यशस्वी जयस्वाल, बेन डकेट, केन विल्यमसन, जो रूट, हॅरी ब्रूक, कामिंदू मेंडिस, जेमी स्मिथ (यष्टीरक्षक), रवींद्र जडेजा, पॅट कमिन्स (कर्णधार), मॅट हेन्री, जसप्रीत बुमराह.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)