PC-X

Delhi Capitals Women vs Mumbai Indians Women, Womens Premier League 2025 Final Match Live Streaming: महिला प्रीमियर लीग 2025 चा अंतिम सामना आज म्हणजेच 15 मार्च रोजी दिल्ली कॅपिटल्स महिला क्रिकेट संघ विरुद्ध मुंबई इंडियन्स महिला क्रिकेट संघ यांच्यात खेळला जाईल. दोन्ही संघांमधील हा सामना मुंबईतील ब्रेबॉर्न स्टेडियमवर संध्याकाळी 7.30 वाजता खेळला जाईल. या हंगामात मुंबई इंडियन्सचे नेतृत्व हरमनप्रीत कौर करत आहे. तर, दिल्ली कॅपिटल्सची कमान मेग लॅनिंगच्या खांद्यावर आहे. एलिमिनेटर सामन्यात, मुंबई इंडियन्सने गुजरात जायंट्सचा 47 धावांनी पराभव केला आणि अंतिम फेरीत प्रवेश केला जिथे मुंबई इंडियन्सचा सामना दिल्ली कॅपिटल्सशी होईल. Delhi Capitals Women vs Mumbai Indians Women Head To Head: दिल्ली कॅपिटल्स आणि मुंबई इंडियन्स यांच्यात कोणाचा वरचष्मा; पहा हेड टू हेड रेकॉर्ड

दोन्ही संघांसाठी हा सामना खूप महत्त्वाचा आहे. दोन्ही संघ विजयासह जेतेपदावर लक्ष केंद्रित करत आहेत. या हंगामात मुंबई इंडियन्सने 8 पैकी 5 सामने जिंकले आणि ३ सामने गमावले. त्याच वेळी, दिल्ली कॅपिटल्स संघाने 8 पैकी 5 सामने जिंकले आणि 3 सामने गमावले. दिल्ली कॅपिटल्स संघाने 10 गुणांसह गुणतालिकेत अव्वल स्थान पटकावले, तर मुंबई इंडियन्स संघाने 10 गुणांसह दुसरे स्थान पटकावले. या हंगामात दोन्ही संघांनी चमकदार कामगिरी केली आहे.

या हंगामात आतापर्यंत फिरकी गोलंदाज जेस जोनासन आणि भारताची अनुभवी वेगवान गोलंदाज शिखा पांडे यांनी दिल्लीसाठी चांगली कामगिरी केली आहे. या दोन्ही दिग्गज खेळाडूंनी 11-11विकेट्स घेतल्या आहेत. मुंबई इंडियन्सच्या फलंदाजांना या दोघांपासून सावध राहावे लागेल.

दुसरीकडे, मुंबई इंडियन्स संघाने या हंगामात चमकदार कामगिरी केली आहे. मुंबई इंडियन्सचे फलंदाजी आणि गोलंदाजी दोन्ही विभाग उत्तम फॉर्ममध्ये आहेत. नॅट सायव्हर-ब्रंट आणि हेली मॅथ्यूज यांनी फलंदाजीत चांगली कामगिरी केली आहे. नॅट सायव्हर-ब्रंटने 9 सामन्यात 493 धावा केल्या आहेत, तर हेली मॅथ्यूजने 304 धावा करून संघाला बळकटी दिली आहे. गोलंदाजीत, अमेलिया केरने 16 विकेट्स घेतल्या आहेत. दोन्ही संघांमधील गेल्या 7 सामन्यांमध्ये दिल्ली कॅपिटल्सने 4 आणि मुंबई इंडियन्सने 3 सामने जिंकले आहेत.

हेड टू हेड रेकॉर्ड

महिला प्रीमियर लीगमध्ये दिल्ली कॅपिटल्स आणि मुंबई इंडियन्स यांच्यात आतापर्यंत एकूण सात टी-20 सामने खेळले गेले आहेत. यात, दिल्ली कॅपिटल्स संघाने वरचढ कामगिरी केली आहे. दिल्ली कॅपिटल्सने चार सामने जिंकले आहेत. त्याच वेळी, मुंबई इंडियन्स संघाने तीन वेळा विजय मिळवला आहे. हा सामना ब्रेबॉर्न स्टेडियमवर खेळला जाईल आणि मुंबई इंडियन्सचा संघ घरच्या परिस्थितीचा पुरेपूर फायदा घेण्याचा प्रयत्न करेल.

दिल्ली कॅपिटल्स महिला आणि मुंबई इंडियन्स यांच्यातील फायनल कधी आणि कुठे खेळली जाईल?

दिल्ली कॅपिटल्स महिला आणि मुंबई इंडियन्स महिला यांच्यातील महिला प्रीमियर लीग 2025 चा अंतिम सामना आज भारतीय वेळेनुसार संध्याकाळी 7.30 वाजता मुंबईतील ब्रेबॉर्न स्टेडियमवर खेळला जाईल. तर टॉसची वेळ त्यापूर्वी अर्धा तास असेल.

दिल्ली कॅपिटल्स आणि मुंबई इंडियन्स यांची फायनल कुठे पहाल?

महिला प्रीमियर लीग 2025 मध्ये दिल्ली कॅपिटल्स महिला आणि मुंबई इंडियन्स महिला यांच्यातील अंतिम सामना भारतातील स्टार स्पोर्ट्स आणि स्पोर्ट्स १८ वाहिन्यांवर थेट प्रक्षेपित केला जाईल. याशिवाय, तुम्ही जिओ हॉटस्टार अॅप आणि वेबसाइटवर लाईव्ह स्ट्रीमिंगचा आनंद घेऊ शकता.

संभाव्य प्लेइंग इलेव्हन

मुंबई इंडियन्स: हेली मॅथ्यूज, अमेलिया केर, नॅट सायव्हर-ब्रंट, हरमनप्रीत कौर (कर्णधार), अमनजोत कौर, यास्तिका भाटिया (यष्टीरक्षक), सजीवन सजना, जी कमलिनी, संस्कृती गुप्ता, शबनीम इस्माइल, पारुनिका सिसोदिया.

दिल्ली कॅपिटल्स: मेग लॅनिंग (कर्णधार), शफाली वर्मा, जेमिमा रॉड्रिग्ज, मॅरिझाने कॅप, सारा ब्राइस (यष्टीरक्षक), निक्की प्रसाद, अ‍ॅनाबेल सदरलँड, जेस जोनासेन, राधा यादव, शिखा पांडे, मिन्नू मणी.