Brian Lara's Record of 400 Runs: ब्रायन लाराने 'या' 4 युवा खेळाडूंवर व्यक्त केला 400 धावांचा विक्रम मोडण्याचा विश्वास, यादीत दोन भारतीयांचा समावेश
वेस्ट इंडिजच्या माजी फलंदाजाने 10 एप्रिल 2004 रोजी इंग्लंडविरुद्धच्या कसोटीत 400* धावांची इनिंग खेळली होती. हा विक्रम प्रस्थापित होऊन 20 वर्षांहून अधिक काळ लोटला आहे. लाराच्या या विक्रमाच्या जवळ अनेक फलंदाज आले, पण कोणीही ते मोडू शकले नाही.
Brian Lara Record: ब्रायन लारा हा कसोटी क्रिकेटच्या एका डावात सर्वाधिक धावा करणारा फलंदाज आहे. वेस्ट इंडिजच्या माजी फलंदाजाने 10 एप्रिल 2004 रोजी इंग्लंडविरुद्धच्या कसोटीत 400* धावांची इनिंग खेळली होती. हा विक्रम प्रस्थापित होऊन 20 वर्षांहून अधिक काळ लोटला आहे. लाराच्या या विक्रमाच्या जवळ अनेक फलंदाज आले, पण कोणीही ते मोडू शकले नाही. आता लाराने शुबमन गिल आणि यशस्वी जैस्वाल यांच्यासह 4 युवा फलंदाजांवर विश्वास व्यक्त केला जे त्याचा 400* धावांचा विक्रम मोडू शकतात. गिल आणि जैस्वाल यांच्याशिवाय लाराने चार खेळाडूंच्या यादीत इंग्लंडचे जॅक क्रॉली आणि हॅरी ब्रूक यांचा समावेश केला. (हे देखील वाचा: IND vs ZIM 4th T20I: धोनीचा शिष्याने टी-20 मध्ये केले पदार्पण, झिम्बाब्वेविरुद्धच्या चौथ्या सामन्यात मिळाली संधी; घातक गोलंदाजीने वेधाणार लक्ष्य)
चार खेळाडूंबद्दल बोलताना लारा म्हणाला...
'द डेली मेल'शी बोलताना लारा म्हणाला, "माझ्या काळात असे खेळाडू होते, ज्यांनी आव्हान दिले किंवा किमान 300 धावांचा टप्पा ओलांडला - वीरेंद्र सेहवाग, गेल, इंझमाम-उल-हक, सनथ जयसूर्या. ते अतिशय आक्रमक खेळाडू होते." चार खेळाडूंबद्दल बोलताना लारा पुढे म्हणाला, "आज तुमच्याकडे किती आक्रमक खेळाडू आहेत? विशेषतः इंग्लंड संघात. जॅक क्रॉली आणि हॅरी ब्रूक. कदाचित भारतीय संघात? यशस्वी जैस्वाल, शुभमन गिल. त्यांना योग्य परिस्थिती मिळाल्यास विक्रम मोडला जाऊ शकतो
जैस्वालने कसोटीत 2 द्विशतके झळकावली आहेत
यशस्वी जैस्वालने आतापर्यंत 9 कसोटी खेळल्या आहेत, ज्यामध्ये त्याने अतिशय स्फोटक फलंदाजी दाखवली आहे. 9 सामन्यांच्या 16 डावांमध्ये, जयस्वालने 68.53 च्या सरासरीने 1028 धावा केल्या आहेत, ज्यामध्ये 2 दुहेरीसह 3 शतकांचा समावेश आहे. जयस्वालची सर्वोच्च धावसंख्या 214* धावा आहे. भारतीय सलामीवीराने इंग्लंडविरुद्ध दोन्ही द्विशतके झळकावली आहेत. अशा स्थितीत वेस्ट इंडिजच्या दिग्गज खेळाडूचा विक्रम मोडण्यासाठी जयस्वाल प्रबळ दावेदार असल्याचे दिसत आहे. यशस्वीने वेस्ट इंडिजविरुद्ध कसोटी पदार्पण केले आणि पहिल्या सामन्याच्या पहिल्या डावात 171 धावा केल्या.