RR vs GT, Head to Head And Pitch Report: आज गुजरातसमोर राजस्थानचे कडवे आव्हान, हेड-टू-हेड आकडेवारी आणि खेळपट्टी अहवालावर एक नजर
गुजरात टायटन्सने या मोसमात आतापर्यंत 5 पैकी फक्त 2 सामने जिंकले आहेत आणि गुणतालिकेत 4 गुणांसह 7व्या स्थानावर आहे. दुसरीकडे, संजू सॅमसनच्या (Sanju Samson) नेतृत्वाखालील राजस्थान रॉयल्सने सर्व 4 सामने जिंकले आहेत आणि स्पर्धेत अपराजित आहे.
RR vs GT, IPL 2024: आज इंडियन प्रीमियर लीग 2024 चा 24 वा (IPL 2024) सामना राजस्थान रॉयल्स आणि गुजरात टायटन्स (RR vs GT) यांच्यात होणार आहे. दोन्ही संघांमधील हा सामना राजस्थानचे होम ग्राउंड असलेल्या सवाई मानसिंग स्टेडियमवर संध्याकाळी 7.30 वाजता सुरू होईल. आजचा सामना गुजरात टायटन्ससाठी महत्त्वाचा असणार आहे. शुभमन गिलच्या (Shubhaman Gill) नेतृत्वाखालील गुजरातने शेवटचे सलग दोन सामने गमावले आहेत. गुजरात टायटन्सने या मोसमात आतापर्यंत 5 पैकी फक्त 2 सामने जिंकले आहेत आणि गुणतालिकेत 4 गुणांसह 7व्या स्थानावर आहे. दुसरीकडे, संजू सॅमसनच्या (Sanju Samson) नेतृत्वाखालील राजस्थान रॉयल्सने सर्व 4 सामने जिंकले आहेत आणि स्पर्धेत अपराजित आहे. 8 गुणांसह राजस्थान रॉयल्स पॉइंट टेबलमध्ये पहिल्या स्थानावर आहे.
हेड टू हेड रेकॉर्ड
आयपीएलच्या इतिहासात राजस्थान रॉयल्स आणि गुजरात टायटन्स यांच्यात आतापर्यंत एकूण 5 सामने खेळले गेले आहेत. या कालावधीत गुजरात टायटन्सने 4 सामने जिंकले आहेत. तर राजस्थान रॉयल्सला केवळ एकच सामना जिंकता आला आहे. या सामन्यात गुजरात टायटन्सने सर्वाधिक 192 धावा केल्या आहेत. दुसरीकडे, राजस्थान रॉयल्सने गुजरात टायटन्सविरुद्ध 188 धावांची सर्वोत्तम धावसंख्या केली आहे. (हे देखील वाचा: GT vs RR, IPL 2024 24th Match Live Streaming: सवाई मानसिंग स्टेडियमवर आज गिल-सॅमसन आमनेसामने, एका क्लिकवर येथे पाहा लाइव्ह)
आयपीएलच्या शेवटच्या हंगामात राजस्थान रॉयल्स आणि गुजरात टायटन्स यांच्यात 2 सामने झाले होते. दोन्ही संघांनी प्रत्येकी एक सामना जिंकला होता. आयपीएल 2022 मध्ये दोन्ही संघांमध्ये 3 सामने खेळले गेले. हे सर्व सामने गुजरात टायटन्सने जिंकले होते.
एकूण सामने: 5
गुजरात टायटन्स जिंकले: 4
राजस्थान रॉयल्स जिंकले: 1
अनिर्णायक: 0
सवाई मानसिंग स्टेडियमच्या खेळपट्टीचा अहवाल
जयपूरच्या सवाई मानसिंग स्टेडियममध्ये गोलंदाजांना खूप मदत मिळते. ही खेळपट्टी वेग आणि फिरकी दोन्हीसाठी योग्य आहे. मात्र, या विकेटवर गेल्या सामन्यात जोस बटलर आणि विराट कोहली यांनी शतकी खेळी खेळली होती. नाणेफेक जिंकणारा संघ प्रथम गोलंदाजी करणे पसंत करेल. या खेळपट्टीवर पहिल्या काही षटकांमध्ये वेगवान गोलंदाजांसाठी नेहमीच काहीतरी असते.
दोन्ही संघांच्या संभाव्य प्लेइंग इलेव्हनवर एक नजर
राजस्थान रॉयल्स: यशस्वी जैस्वाल, जोस बटलर, संजू सॅमसन, रियान पराग, ध्रुव जुरेल, शिमरॉन हेटमायर, आर अश्विन, ट्रेंट बोल्ट, आवेश खान, नांद्रे बर्गर, युझवेंद्र चहल.
गुजरात टायटन्स: शुभमन गिल, बीआर शरथ/वृद्धिमान साहा, साई सुदर्शन, विजय शंकर, राहुल तेवतिया, रशीद खान, नूर अहमद, उमेश यादव, दर्शन नळकांडे, स्पेन्सर जॉन्सन, मोहित शर्मा.