Vijender Singh On Vinesh Phogat Disqualification: 'भारतीय कुस्तीपटूंविरुद्ध मोठे षडयंत्र...', विनेश फोगटच्या अपात्रतेवर विजेंदर सिंग यांची संतप्त प्रतिक्रीया
विनेश फोगटला पॅरिस ऑलिम्पिक 2024 मधून अपात्र ठरविल्याबद्दल बॉक्सर विजेंदर सिंहने संतप्त प्रतिक्रीया दिली आहे. भआरतीय कुस्तीपटूंविरुद्धचे हे मोठे षड्यंत्र असल्याचे त्याने म्हटले आहे.
Vijender Singh On Vinesh Phogat Disqualification: विनेश फोगटच्या अपात्रतेमुळे पॅरिस ऑलिम्पिक 2024 मधील भारताच्या पदकाच्या आशांना मोठा धक्का बसला आहे. ऑलिम्पिक कुस्ती स्पर्धेत 50 किलो वजनी गटात सहभागी झालेल्या विनेश फोगटला जास्त वजनामुळे ऑलिम्पिकने अपात्र ठरवले आहे. केवळ 100 ग्रॅम वजन वाढल्याने विनेशला अपात्र ठरवण्यात आल्याचे सांगण्यात आले आहे. त्यावर बॉक्सर विजेंदर सिंगने विनेश फोगटच्या अपात्रतेवर अतिशय संतप्त प्रतिक्रिया दिली आहे. विजेंदर सिंग यांनी विनेशला अपात्र ठरवणे हा कट असल्याचे म्हटले आहे. भारतीय कुस्तीपटूंविरुद्ध हे मोठे षडयंत्र असल्याचे त्यांनी म्हटले आहे. याशिवाय विनेशला वजन कमी करण्यासाठी थोडा वेळ द्यायला हवा होता, असेही ते म्हणाले. विजेंदरने सांगितले की, याआधी कोणत्याही खेळाडूसाठी असे काही पाहिले नव्हते.
पोस्ट पहा
कुटुंबीयांनी सरकारवरही ताशेरे ओढले
विनेश फोगटच्या कुटुंबीयांनी फेडरेशनवर अनेक गंभीर आरोप केले आहेत. याशिवाय त्यांनी याप्रकरणी सरकारवरही ताशेरे ओढले. यामध्ये ब्रिजभूषण, शरण सिंह आणि सरकारचा सहभाग असल्याचे कुटुंबाच्या वतीने सांगण्यात आले.
विनेशच्या सासरच्यांनी गंभीर आरोप केले
विनेश फोगटचे सासरे राजपाल राठी यांनी एबीपी न्यूजशी बोलताना महासंघातील अनेक लोकांवर गंभीर आरोप केले आहेत. त्यांनी म्हटले की, ही हृदयद्रावक घटना आहे. राजकारण होत आहे. हे षडयंत्र आहे. यात सरकारचा हात आहे. डोक्यावरील केसांमुळे वजनही 100 ग्रॅम वाढते. 100 ग्रॅम जास्त वजनामुळे कोणाला बाहेर काढले जाते? याशिवाय विनेशसोबत उपस्थित असलेल्या सपोर्ट स्टाफलाही त्यांनी कारणीभूत ठरवले . राजपाल राठी म्हणाले की, सपोर्ट स्टाफनेही कोणत्याही प्रकारची मदत केली नाही.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)