World Athletics Championships 2022: अल्डोस पॉलने रचला इतिहास, तिहेरी उडी स्पर्धेच्या अंतिम फेरीत पोहोचणारा बनला पहिला भारतीय

भारतीय खेळाडू अल्डोस पॉलने (Eldous Paul) इतिहास रचला आहे. तो अमेरिकेत सुरू असलेल्या जागतिक अॅथलेटिक्स चॅम्पियनशिप 2022 (World Athletics Championships) च्या तिहेरी उडी (Triple jump) स्पर्धेच्या अंतिम फेरीत पोहोचला आहे. अशी कामगिरी करणारा तो पहिला भारतीय खेळाडू ठरला आहे.  अल्डोसने गट फेरीत 16.68 मीटर उडी मारून अंतिम फेरीसाठी पात्रता मिळवली आहे. तिहेरी उडी स्पर्धेत स्पर्धकांची दोन गटात विभागणी करण्यात आली. दोन्ही गटातील टॉप-12 किंवा 17.05 मीटर अंतर पार करणाऱ्या खेळाडूंना अंतिम फेरीत प्रवेश मिळणार होता. अल्डोस पॉलला अ गटात स्थान देण्यात आले. येथे तो सहाव्या स्थानावर राहिला.

एकूणच 12व्या म्हणजेच शेवटच्या स्थानावर राहून फायनलमध्ये प्रवेश करण्यात यश मिळवले. या स्पर्धेचा अंतिम सामना रविवारी सकाळी 6.50 वाजता होणार आहे.  अल्डोसला व्हिसा मिळण्यात काही अडचणींचा सामना करावा लागला होता. त्यामुळे त्याला अमेरिकेत पोहोचायला थोडा उशीर झाला. मात्र, त्याने आपल्या कामगिरीत त्याचे प्रतिबिंब पडू दिले नाही. मोसमातील त्याच्या सर्वोत्तम कामगिरीपासून (16.99 मी) तो कमी होता. हेही वाचा World Athletics Championships 2022: जागतिक ऍथलेटिक्स चॅम्पियनशिपमध्ये भालाफेक स्पर्धेसाठी भारत पाकिस्तान आमनेसामने, जाणून घ्या कधी आणि कुठे पाहता येईल सामना ?

यावर्षी एप्रिलमध्ये झालेल्या फेडरेशन कपमध्ये अल्डोसने सर्वोत्तम कामगिरी केली होती. या स्पर्धेत भारताकडून आणखी दोन खेळाडूंचा सहभाग होता. मात्र, त्याला अंतिम फेरी गाठता आली नाही. भारताच्या प्रवीण चित्रवाल (16.49 मी) आणि अब्दुल्ला अबुबाकर (16.45 मी) यांनी अनुक्रमे 17 व्या आणि 19 व्या स्थानावर झेप घेतली.