Turkey and Syria Earthquake: तुर्किये आणि सीरियामधील भूकंपामुळे झालेल्या मृतांची संख्या 11,000 च्या पुढे

तुर्कस्तान आणि सीरियामध्ये भूकंपामुळे झालेल्या विध्वंमधील मृतांची संख्या 11,000 च्या पुढे गेली आहे. 50 हजारांहून अधिक लोक जखमी झाल्याचे सांगण्यात येत आहे. मृत आणि जखमींची संख्या वाढतच आहे. ढिगाऱ्याखाली अजूनही मोठ्या प्रमाणात लोक अडकले आहेत. भूकंपामुळे झालेल्या विध्वंसानंतर अजूनही लोक ढिगाऱ्याखाली जिवंत असण्याची शक्यता आहे. त्यामुळे मदत आणि बचाव कार्य अत्यंत काळजीपूर्वक सुरू आहे. तुर्कस्तान आणि सीरियामध्ये ढिगाऱ्याखाली अडकलेल्या लोकांना बाहेर काढण्यासाठी एक लाखाहून अधिक लोक बचाव कार्यात गुंतले आहेत. यात विविध देशांतील ट्रेंड टीमचाही समावेश आहे. भारत सरकारने एनडीआरएफची टीमही बचावासाठी पाठवली आहे. तसेच अमेरिका, चीनसह अनेक देशांकडून दोन्ही देशांना मदत केली जात आहे.

दरम्यान, तुर्कीमध्ये पुन्हा एकदा भूकंपाचे धक्के जाणवले आहेत. युनायटेड स्टेट्स जिओलॉजिकल सर्व्हे (यूएसजीएस) नुसार, तुर्कीच्या नूरदगी शहरात हा भूकंप जाणवला. रिश्टर स्केलवर त्याची तीव्रता 4.3 मोजली गेली आहे.