Nepal: उड्डाण घेतल्यानंतर Fly Dubai विमानाच्या इंजिनला आग; परिस्थिती नियंत्रणात, विमान दुबईकडे रवाना
फ्लाइट FZ576 ने रात्री 9:21 वाजता विमानतळावरून उड्डाण केले आणि रात्री 9.25 च्या सुमारास विमानाच्या एका इंजिनमध्ये आग लागल्याचे दिसले.
नेपाळमधून एक मोठी बातमी समोर येत आहे. काठमांडू विमानतळावरून उड्डाण घेत असताना फ्लाय दुबईच्या विमानाला आग लागल्याचे सांगण्यात येत आहे. याची माहिती मिळताच काठमांडू विमानतळावर विमान उतरवण्याचे प्रयत्न सुरू झाले. विमानतळावर अग्निशमन दलाच्या गाड्या तैनात करण्यात आल्या होत्या. मात्र, काही वेळाने नेपाळच्या पर्यटन मंत्र्यांनी दुबईला जाणाऱ्या विमानात आता सर्व काही ठीक असल्याचे सांगितले. विमान दुबईला रवाना झाले आहे. काठमांडूहून दुबईला जाणाऱ्या बोईंग 737 विमानात आग लागल्याचे वृत्त आहे. मिळालेल्या माहितीनुसार, त्रिभुवन आंतरराष्ट्रीय विमानतळावरील सूत्रांनी सांगितले की, विमानात 169 प्रवासी होते. फ्लाइट FZ576 ने रात्री 9:21 वाजता विमानतळावरून उड्डाण केले आणि रात्री 9.25 च्या सुमारास विमानाच्या एका इंजिनमध्ये आग लागल्याचे दिसले. त्यानंतर समस्येचे निराकरण झाल्यानंतर विमान दुबईकडे रवाना झाले. (हेही वाचा: American Airlines Passenger Urinating Case: अमेरिकन एअरलाइन्सच्या न्यूयॉर्क-दिल्ली फ्लाइटमध्ये भारतीय व्यक्तीने सहप्रवाशावर केली लघवी; आरोपीला अटक)
#UPDATE | Fly Dubai aircraft that reportedly caught fire upon taking off from Kathmandu airport has now been flown to Dubai, says Nepal's Minister for Tourism https://t.co/83S9Q1A96N
— ANI (@ANI) April 24, 2023
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Apr 24, 2023 11:05 PM IST. For more news and updates on politics, world, sports, entertainment and lifestyle, log on to our website latestly.com).
