Fake GPS: बनावट जीपीएस वापरून विमानांची केली दिशाभूल; तब्बल 20 फ्लाईट्स त्यांच्या मूळ मार्गावरून भरकटल्या

इराणच्या हवाई क्षेत्रात बनावट जीपीएस सिग्नल पाठवून विमाने वळवण्याचे प्रकरण समोर आल्याने खळबळ उडाली आहे. गेल्या 15 दिवसांत सुमारे 20 विमाने बनावट जीपीएस सिग्नलद्वारे त्यांच्या मूळ मार्गावरून वळवण्यात आल्याचे उघड झाले आहे. मिळालेल्या माहितीनुसार, इराणवरून उडणाऱ्या किमान 20 विमाने आणि कॉर्पोरेट जेटना बनावट जीपीएस सिग्नलद्वारे लक्ष्य करण्यात आले. तपासादरम्यान, विमानाच्या नेव्हिगेशन सिस्टीममध्ये घुसखोरी करण्यासाठी जमिनीवरून बनावट सिग्नल पाठवण्यात आल्याचे उघड झाले आणि हे खोटे सिग्नल इतके अचूक होते की त्यामुळे अनेक विमानांचा रस्ता चुकला. टाईम्स ऑफ इंडियाच्या रिपोर्टनुसार, उड्डाण भरकटल्यानंतर आणि नेव्हिगेशन सिस्टीममध्ये बिघाड झाल्यानंतर पायलटना विमान उतरवण्यासाठी एअर ट्रॅफिक कंट्रोल (ATC) ची मदत घ्यावी लागली. (हेही वाचा: Spain Night Club Fire Video: स्पेनमधील नाईट क्लबला लागलेल्या आगीत 7 जणांचा मृत्यू, Watch Video)