WhatsApp Banned Indian Accounts: यूजर्सच्या सुरक्षेबाबत व्हॉट्सअॅपची मोठी कारवाई; 37 लाख खात्यांवर घातली बंदी
व्हॉट्सअॅपने ऑक्टोबरमध्ये बॅन केलेल्या खात्यापेक्षा हे प्रमाण 60 टक्क्यांनी जास्त आहे. ऑक्टोबरमध्ये व्हॉट्सअॅपने देशातील 23.24 लाख खात्यांवर बंदी घातली होती.
वापरकर्त्यांची सुरक्षितता लक्षात घेऊन, इन्स्टंट मेसेजिंग प्लॅटफॉर्म WhatsApp ने बुधवारी सांगितले की, त्यांनी नोव्हेंबरमध्ये भारतात 37.16 लाख खात्यांवर बंदी घातली आहे. यापैकी जवळजवळ 990,000 खाती अशी आहेत जी, वापरकर्त्यांनी रिपोर्ट करण्याआधीच प्रतिबंधित करण्यात आली. व्हॉट्सअॅपने ऑक्टोबरमध्ये बॅन केलेल्या खात्यापेक्षा हे प्रमाण 60 टक्क्यांनी जास्त आहे. ऑक्टोबरमध्ये व्हॉट्सअॅपने देशातील 23.24 लाख खात्यांवर बंदी घातली होती. व्हॉट्सअॅपने भारताच्या नवीन माहिती तंत्रज्ञान नियम 2021 अंतर्गत नोव्हेंबर महिन्याच्या मासिक अहवालात ही माहिती दिली आहे. गेल्या वर्षी देशात लागू झालेल्या नवीन आयटी नियमांनुसार, मोठ्या डिजिटल प्लॅटफॉर्मला (5 दशलक्षाहून अधिक वापरकर्ते) दर महिन्याला कंप्लायंस रिपोर्ट प्रकाशित करावा लागतो, ज्यामध्ये त्यांना त्या महिन्यात आलेल्या तक्रारी आणि केलेल्या कारवाईची माहिती द्यावी लागते.