Threat From Chinese Phones: गुप्तचर यंत्रणांचा सीमेवरील जवान आणि त्यांच्या कुटुंबीयांना चिनी मोबाईल फोन न वापरण्याचा सल्ला

पूर्व लडाखपासून अरुणाचल प्रदेशापर्यंतच्या प्रत्यक्ष नियंत्रण रेषेवर (LAC) चीनसोबतचे तणावपूर्ण संबंध असताना, संरक्षण गुप्तचर संस्थांनी सीमेवरील जवानांना आणि त्यांच्या कुटुंबीयांना चिनी मोबाईल फोन न वापरण्याचा सल्ला दिला आहे. एएनआयच्या माहितीनुसार, लष्करी गुप्तचर संस्थांनी सैनिक आणि त्यांच्या कुटुंबीयांना भारताशी शत्रुत्व असलेल्या देशांकडून फोन विकत घेण्यापासून किंवा वापरण्यापासून परावृत्त करण्याच्या गरजेवर भर दिला. सूत्रांनी सांगितले की, एजन्सींना चिनी मोबाइल फोनमध्ये मालवेअर आणि स्पायवेअर सापडल्यामुळे ही सूचना जाहीर करण्यात आली आहे. भारतीय बाजारपेठेत उपलब्ध असलेल्या चायनीज मोबाईल फोनमध्ये Vivo, Oppo, OnePlus, Honor, Realme, ZTE, Xiaomi, Asus आणि Infinix यांचा समावेश आहे.