Scam Calls: फसव्या स्कॅम कॉलमुळे जगभरातील मोबाईल वापरकर्त्यांना गमवावे लागले 58 अब्ज डॉलर

Scam Calls: मोबाईल वापरकर्त्यांना या वर्षी जागतिक स्तरावर फसव्या स्कॅम कॉलमुळे 58 अब्ज डॉलरचे नुकसान होण्याची अपेक्षा आहे, सोमवारी एका अहवालात यासंदर्भात माहिती देण्यात आली. ज्युनिपर रिसर्चनुसार फसव्या रोबोकॉलमुळे झालेले नुकसान गेल्या वर्षीच्या तुलनेत वाढले आहे. हे नुकसान अंतिम वापरकर्त्यांना फसवण्यासाठी अनेक स्कॅम कॉल्सच्या माध्यमातून केले जाते. अनधिकृत कॉल फॉरवर्डिंग किंवा कॉलर आयडी स्पूफिंगच्या साहाय्याने ग्राहकांना आर्थिक लक्ष्य केलं जातं. अहवालात असे भाकीत केले आहे की फसवणूक करणाऱ्यांच्या फसवणुकीच्या पद्धती नवनवीन करण्याच्या क्षमतेमुळे हे नुकसान 2027 पर्यंत जागतिक स्तरावर $70 अब्जांपर्यंत पोहोचेल. उत्तर अमेरिका हा फसव्या रोबोकॉलमुळे सर्वाधिक प्रभावित झालेला प्रदेश आहे.