Apple Eye Tracking Feature: आता डोळ्याने नियंत्रित करू शकणार तुमचा iPhone आणि iPad; ॲपल घेऊन येत आहे 'आय ट्रॅकिंग फीचर', जाणून घ्या काय आहे

Apple Eye Tracking Feature: ॲपल नेहमीच आपल्या वापरकर्त्यांसाठी विशेष फीचर्स आणत आहे, जेणेकरून ते वापरकर्त्याचा अनुभव अधिक सुलभ आणि चांगला बनवू शकतील. ही फीचर्स वापरकर्त्यांसाठी देखील खूप उपयुक्त आहेत. आता कंपनी लवकरच आय ट्रॅकिंग नावाचे एक नवीन फिचर सादर करणार आहे. नावाप्रमाणेच, तुम्ही आता तुमच्या डोळ्यांनी तुमचा iPhone आणि iPad नियंत्रित करू शकाल. हे फिचर तुमच्या iPhone किंवा iPad चा फ्रंट कॅमेरा वापरेल आणि तुमच्या डोळ्यांच्या हालचालींचा मागोवा घेऊन तुम्हाला नेव्हिगेट करण्यात आणि स्क्रीनवर स्क्रोल करण्यात मदत करते. सर्वात चांगली गोष्ट म्हणजे, हे फीचर वापरण्यासाठी तुम्हाला नवीन iPhone किंवा iPad खरेदी करण्याची गरज नाही. ॲपलचे म्हणणे आहे की हे फीचर वापरण्यासाठी तुमच्याकडे A12 चिपसेट किंवा त्यावरील कोणताही iPhone किंवा iPad असणे आवश्यक आहे. अनेक प्रकारे हे फीचर पूर्णपणे हँड्स-फ्री आहे. सामान्य वापरकर्त्यांसोबतच, हे फीचर दिव्यांग लोकांनाही खूप मदत करेल असे बोलले जात आहे. (हेही वाचा: ChatGPT Scarlett Johansson Voice: स्कारलेट जोहानसन हिच्याशी तुलना होताच OpenAI कडून ChatGPT AI सिस्टीममधील "स्काय" आवाजास स्थगिती)

पहा पोस्ट-

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)