Serena Williams Announces Retirement: जगप्रसिद्ध टेनिस स्टार सेरेना विल्यम्सने केले निवृत्तीची घोषणा
सेरेनाने यंदाच्या विम्बल्डन ओपनमध्ये प्रवेश केला होता, पण पहिल्याच फेरीत ती बाहेर पडली होती.
23 वेळा ग्रँड स्लॅम चॅम्पियन सेरेना विल्यम्सने निवृत्ती जाहीर केली आहे. वोगच्या सप्टेंबरच्या अंकाच्या मुखपृष्ठावर दिसल्यानंतर, टेनिस स्टार सेरेना विल्यम्सने इन्स्टाग्रामवर एक पोस्ट शेअर करून तिच्या निवृत्तीची घोषणा केली. सेरेना विल्यम्सने सांगितले की, ती वर्षातील शेवटची ग्रँड स्लॅम स्पर्धा यूएस ओपननंतर टेनिसला अलविदा करणार आहे. सेरेनाने 1999 मध्ये पहिल्यांदा यूएस ओपन स्पर्धा जिंकली होती.
सेरेनाने यंदाच्या विम्बल्डन ओपनमध्ये प्रवेश केला होता, पण पहिल्याच फेरीत ती बाहेर पडली होती. सेरेना विल्यम्सने तिच्या ट्विटर हँडलवर पोस्ट करत लिहिले, 'आयुष्यात एक वेळ अशी येते जेव्हा आपल्याला वेगळ्या दिशेने जाण्याचा निर्णय घ्यावा लागतो. जेव्हा आपण एखाद्या गोष्टीवर खूप प्रेम करता तेव्हा त्या वेळी असा निर्णय घेणे कठीण असते. मी टेनिसचा आनंद घेतला. मात्र आता माझ्या आईपणावर, माझ्या अध्यात्मिक ध्येयांवर आणि शेवटी माझ्या वेगळ्या, पण तितक्याच रोमांचक 'सेरेना' शोधावर लक्ष केंद्रित करायचे आहे.'