Tirupati-CSK Special Pooja of IPL Trophy: आयपीएल ट्रॉफी जिंकल्यानंतर चेन्नई सुपर किंग्सने तिरुपती मंदिरात केली विशेष पूजा, Watch Video

चेन्नई सुपर किंग्सने आयपीएल 2023 ची ट्रॉफी जिंकल्याच्या एका दिवसानंतर. चेन्नईमधील तिरुपती मंदिरात याबाबत एक विशेष पूजा करण्यात आली. चेन्नईतील टी नगरच्या वेंकटनारायण रोड येथील तिरुमला तिरुपती देवस्थानम भगवान वेंकटेश्वर स्वामी मंदिरात ही बहुमोल ट्रॉफी आणली गेली. चेन्नई आंतरराष्ट्रीय विमानतळावरून ट्रॉफी थेट टी नगर येथील टीटीडी मंदिरात आणण्यात आली. टीटीडीच्या तामिळनाडू आणि पुद्दुचेरी स्थानिक सल्लागार समितीचे अध्यक्ष  एआय शेखर रेड्डी, माजी अध्यक्ष श्री कृष्णा आणि इतर सदस्यांनी सीएसके प्रतिनिधींचे अभिनंदन केले आणि मुख्य मंदिर परिसरात त्यांचे औपचारिक स्वागत केले. त्यानंतर आयपीएल 2023 ची ट्रॉफी भगवान व्यंकटेश्वराच्या कमळाच्या चरणी ठेवण्यात आली आणि विशेष पूजा करण्यात आली. अहमदाबादमध्ये पावसाने भिजलेल्या फायनलमध्ये गुजरात टायटन्सवर विजय मिळवून चेन्नई सुपर किंग्जने विक्रमी पाचव्यांदा आयपीएल ट्रॉफी जिंकली. (हेही वाचा: चेन्नई जिंकली, दिपक चहर याचा आनंद गगनात मावेना, ढोल-ताशांच्या तालावर डान्स; व्हिडिओ व्हायरल)