Rohit Sharma Has Most Ducks in IPL History: रोहित शर्मा पुन्हा शुन्यावर बाद, आयपीएल कारकिर्दीत लज्जास्पद रेकॉर्डमध्ये पोहचला अव्वल स्थानी
पण आयपीएल 2023 मध्ये रोहित शर्माची बॅट इतकी शांत राहिली की हिटमॅनच्या शानदार आयपीएल कारकिर्दीवर एक डाग पडला आहे.
कर्णधार रोहित शर्माने आयपीएलमध्ये मुंबई इंडियन्सला (Mumbai Indians) 5 वेळा आयपीएल ट्रॉफी मिळवून देताना अनेक मोठी कामगिरी केली आहे. रोहित शर्माचे (Rohit Sharma) नाव टी-20 ते वनडे जगभर गाजत आहे. पण आयपीएल 2023 मध्ये रोहित शर्माची बॅट इतकी शांत राहिली की हिटमॅनच्या शानदार आयपीएल कारकिर्दीवर एक डाग पडला आहे. चेन्नई (CSK vs MI) विरुद्धच्या सामन्यात रोहित सलग दुसऱ्यांदा डक आऊटचा बळी ठरला आहे. पंजाबविरुद्धच्या शेवटच्या सामन्यात रोहित शर्मा 3 चेंडू खेळून पॅव्हेलियनमध्ये परतला. त्याचवेळी, आता सीएसकेविरुद्धच्या सामन्यात हिटमॅनने या खेळीची पुनरावृत्ती केली. त्यानंतर तो आयपीएलमध्ये सर्वाधिक डक आऊट होणारा फलंदाज बनला आहे. या लीगमध्ये रोहित शर्मा एकूण 16 वेळा बाद झाला आहे. त्याचबरोबर सुनील नरेन, दिनेश कार्तिक आणि मनदीप सिंगसारखे फलंदाज 15 वेळा शून्यावर बाद झाले आहेत. या मोसमात रोहित शर्माच्या बॅटने 9 सामन्यांमध्ये केवळ एक अर्धशतक खेळी पाहिली आहे.
पहा व्हिडिओ
('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)