Pakistan vs Sri Lanka T20 World Cup Match Toss Update: नाणेफेक जिंकत पाकिस्तानचा प्रथम फलंदाजी करण्याचा निर्णय; श्रीलंका संघाला देणार कडवे आव्हान?
विश्वचषकाचा दुसरा सामना पाकिस्तान महिला संघ आणि श्रीलंका महिला संघात खेळवला जात आहे. उभय संघांमधील हा सामना शारजाहमधील शारजाह क्रिकेट स्टेडियमवर खेळला जात आहे.
Pakistan vs Sri Lanka T20 World Cup Match Toss Update: 2024 ICC महिला T20 विश्वचषक आजपासून सुरू झाला आहे. टी 20 विश्वचषकाचा दुसरा सामना पाकिस्तान महिला संघ विरुद्ध श्रीलंका संघ यांच्यात खेळला जात आहे. उभय संघांमधील हा सामना शारजाहमधील शारजाह क्रिकेट स्टेडियमवर खेळला जात आहे. पाकिस्तानची कमान फातिमा सनाच्या हातात आहे. तर श्रीलंकेचे नेतृत्व चमारी अथापथुकडे आहे. दोन्ही संघांमध्ये आज रोमांचक सामना पाहायला मिळणार आहे. आता पाकिस्तान महिला क्रिकेट संघ आणि श्रीलंका महिला क्रिकेट संघ यांच्यात एकूण 20 टी 20 आंतरराष्ट्रीय सामने खेळले गेले आहेत. या कालावधीत पाकिस्तान संघाने 10 सामने जिंकले आहेत. त्याचबरोबर श्रीलंकेच्या संघाने नऊ सामने जिंकले आहेत. दोन्ही संघांमध्ये चुरशीची स्पर्धा असल्याचे आकडेवारीवरून स्पष्ट होते. दरम्यान, पाकिस्तानची कर्णधार सना फातिमाने नाणेफेक जिंकून प्रथम फलंदाजी करण्याचा निर्णय घेतला आहे. (हेही वाचा: BAN vs SCO ICC Women T20 World Cup 2024: वुमन्स टी20 वर्ल्डकपच्या पहिल्याच सामन्यात बांगलादेशची विजयी सलामी; बांगलादेशचा स्कॉटलंडवर 16 धावांनी विजय)
पाकिस्तानने नाणेफेक जिंकून प्रथम फलंदाजी करण्याचा निर्णय घेतला