MS Dhoni Ploughing in Farm: आता शेतातही राबू लागला एमएस धोनी; ट्रॅक्टर चालवत केली नांगरणी (Watch Video)
धोनीने व्हिडिओच्या कॅप्शनमध्ये लिहिले की, 'काहीतरी नवीन शिकणे चांगले आहे, परंतु काम पूर्ण करण्यासाठी खूप वेळ लागला.'
भारतीय क्रिकेट संघाचा माजी दिग्गज कर्णधार आणि आयपीएलमधील चेन्नई सुपर किंग्ज (CSK) चा कर्णधार महेंद्रसिंग धोनी आजकाल बहुतेक वेळ रांची येथील त्याच्या फार्महाऊसवर व्यतीत करत आहे. या ठिकाणी तो आपल्या कुटुंबासोबत राहत आहे. आपण पाहिलेच असेल की, धोनी सोशल मीडियावर खूप कमी सक्रिय आहे. आता दोन वर्षानंतर धोनीने इंस्टाग्रामवर एक व्हिडिओ शेअर केला आहे ज्यामध्ये तो ट्रॅक्टरने शेत नांगरताना दिसत आहे.
धोनीने व्हिडिओच्या कॅप्शनमध्ये लिहिले की, 'काहीतरी नवीन शिकणे चांगले आहे, परंतु काम पूर्ण करण्यासाठी खूप वेळ लागला.' धोनी एखाद्या अस्सल शेतकऱ्यासारखे शेतात नांगरणी करत असल्याचे व्हिडिओमध्ये दिसत आहे. एमएस धोनी रांचीमधील त्याच्या फार्महाऊसवर भाज्या आणि फळे पिकवतो. याची छायाचित्रे आणि व्हिडिओ आधीच व्हायरल झाली आहेत. आता धोनी शेतीमधील कामेही आवडीने करू लागला आहे.