ICC ODI Ranking 2023: आयसीसी क्रमवारीत मोहम्मद सिराजची मोठी झेप, बनला जगातील नंबर 1 वनडे गोलंदाज

Mohammed Siraj Becomes Number 1 ODI Bowler: वनडे वर्ल्ड कप 2023 च्या आधी टीम इंडियाला एक मोठी खुशखबर मिळाली आहे. खरं तर, वेगवान गोलंदाज मोहम्मद सिराज हा जगातील नंबर 1 वनडे गोलंदाज बनला आहे. आयसीसीने जाहीर केलेल्या क्रमवारीत सिराजने 8 स्थानी झेप घेतली आहे. त्याने अव्वल स्थानावर असलेल्या जोश हेझलवूडला मागे टाकले आहे. मोहम्मद सिराजने कोलंबोमध्ये श्रीलंकेला 50 धावांवर बाद केल्याने त्याला आयसीसी पुरुषांच्या वनडे गोलंदाजी क्रमवारीत अव्वल स्थान मिळण्यास मदत झाली आहे. त्याच्या 6/21 च्या आशिया चषक विजेत्या स्पेलने त्याची चर्चा झाली. सिराजने यापूर्वी मार्च 2023 मध्येही हे स्थान मिळवले होते. पण नंतर त्याला जोश हेझलवूडने मागे टाकले.