Jofra Archer Milestone: जोफ्रा आर्चरची जबरदस्त कामगिरी, जेम्स अँडरसनचा विक्रम मोडला

ICC Champions Trophy 2025 ENG vs AFG: चॅम्पियन्स ट्रॉफी 2025 मध्ये आज म्हणजेच 26 फेब्रुवारी रोजी ग्रुप स्टेजचा 8वा सामना सुरू आहे, ज्यामध्ये अफगाणिस्तान आणि इंग्लंड संघ आमनेसामने आहेत. लाहोरच्या गद्दाफी स्टेडियमवर खेळल्या जाणाऱ्या या सामन्यात इंग्लंडचा वेगवान गोलंदाज जोफ्रा आर्चरने 3 विकेट घेत इतिहास रचला. तो आता इंग्लंडसाठी एकदिवसीय सामन्यात सर्वात जलद 50 बळी घेणारा गोलंदाज बनला आहे. त्याने जेम्स अँडरसनचा विक्रम मोडला, त्याने 31 सामन्यांमध्ये ही कामगिरी केली होती. आर्चरने फक्त 30 सामन्यांमध्ये 50 विकेट्सचा टप्पा गाठला आहे. जोफ्रा आर्चरने पाचव्या षटकात अफगाणिस्तानचा यष्टीरक्षक फलंदाज रहमानउल्लाह गुरबाजला बाद करून ही कामगिरी केली.