इंडियन प्रीमियर लीगच्या 16 व्या मोसमातील 40 वा सामना आज दिल्ली कॅपिटल्स आणि सनरायझर्स हैदराबाद यांच्यात खेळला गेला. दोन्ही संघांमधील हा सामना दिल्लीतील अरुण जेटली स्टेडियमच्या घरच्या मैदानावर खेळला गेला. या सामन्यात सनरायझर्स हैदराबादने दिल्ली कॅपिटल्सचा 9 धावांनी पराभव केला आहे. तत्पूर्वी, सनरायझर्स हैदराबादचा कर्णधार एडन मार्करामने नाणेफेक जिंकून प्रथम फलंदाजी करण्याचा निर्णय घेतला. दरम्यान, नाणेफेक जिंकून प्रथम फलंदाजी करताना सनरायझर्स हैदराबाद संघाने निर्धारित 20 षटकांत 6 गडी गमावून 197 धावा केल्या. सनरायझर्स हैदराबाद संघासाठी सलामीवीर अभिषेक शर्माने सर्वाधिक 67 धावांची तुफानी खेळी खेळली. दिल्ली कॅपिटल्सकडून मिचेल मार्शने सर्वाधिक चार विकेट घेतल्या. लक्ष्याचा पाठलाग करताना दिल्ली कॅपिटल्सचा संघ 20 षटकांत 6 गडी गमावून 188 धावाच करू शकला. दिल्ली कॅपिटल्सकडून मिचेल मार्शने सर्वाधिक 63 धावांची खेळी केली. सनरायझर्स हैदराबादकडून मयंक मार्कंडेने सर्वाधिक दोन बळी घेतले.

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)