SRH vs RR, IPL 2024: आयपीएल 2024 च्या 50 व्या (IPL 2024) सामन्यात सनरायझर्स हैदराबादचा सामना राजस्थान रॉयल्सशी (SRH vs RR) आमनेसामने आहे. हा सामना हैदराबादच्या राजीव गांधी स्टेडियमवर खेळवला गेला. या सामन्यात हैदराबादने राजस्थानचा एका धावाने पराभव केला आहे. तत्तपुर्वी, नाणेफेक जिंकून प्रथम फलंदाजी करण्यासाठी आलेल्या सनरायझर्स हैदराबाद संघाने 20 षटकांत 3 गडी गमावून 201 धावा केल्या. सनरायझर्स हैदराबादकडून स्टार फलंदाज नितीश रेड्डी याने सर्वाधिक धावा केल्या. राजस्थान रॉयल्सकडून आवेश खानने सर्वाधिक दोन बळी घेतले. लक्ष्याचा पाठलाग करण्यासाठी आलेल्या राजस्थान रॉयल्स संघाला 20 षटकांत सात गडी गमावून केवळ 200 धावा करता आल्या. राजस्थान रॉयल्ससाठी घातक फलंदाज रियान परागने सर्वाधिक 77 धावांची खेळी खेळली. सनरायझर्स हैदराबादकडून भुवनेश्वर कुमारने सर्वाधिक तीन बळी घेतले.

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)