Viral Video: मुरली विजयसमोर दिनेश कार्तिकच्या नावाने घोषणाबाजी, लाईव्ह मॅचमध्ये चाहत्यांना जोडावे लागले हात (Watch Video)

टीम इंडियाचा (Team India) टेस्ट स्पेशालिस्ट असलेला मुरली विजय (Murli Vijay) आंतरराष्ट्रीय क्रिकेटमधून पूर्णपणे बाहेर गेला असला तरी तो अजूनही क्रिकेटच्या मैदानावर आपली ताकद दाखवत आहे. मुरली विजय नुकताच दीर्घ काळानंतर क्रिकेटच्या मैदानात परतला आणि तमिळनाडू प्रीमियर लीगमध्येही त्याने शानदार शतक झळकावले. मात्र, सामन्यादरम्यान मुरली विजयच्या समोर दिनेश कार्तिकच्या (Dinesh Kartik) घोषणा देण्यात आल्या, त्यानंतर हा खेळाडू अस्वस्थ दिसला आणि मुरलीने चाहत्यांसमोर हात जोडले. मुरली विजयचा हा व्हिडिओ सोशल मीडियावर व्हायरल होत आहे. वास्तविक मुरली विजयने दिनेश कार्तिकची पहिली पत्नी निकितासोबत लग्न केले. मुरली विजयशी जवळीक वाढल्यानंतरच दिनेश कार्तिकने घटस्फोट घेण्याचा निर्णय घेतल्याचे वृत्त आहे. घटस्फोटानंतर कार्तिकने स्क्वॅशपटू दीपिका पल्लीकलसोबत लग्न केले. नुकतीच ती जुळ्या मुलांची आई झाली आहे.

Tweet