BCCI Media Rights Auction: बीसीसीआय मीडिया राईट्ससाठी आज होणार लिलाव, Disney Star, Viacom18 आणि Sony यांच्यात चुरशीची स्पर्धा

BCCI Media Rights: पुढील पाच वर्षांमध्ये भारतात खेळल्या जाणार्‍या द्विपक्षीय क्रिकेट (Team India Bilateral Series Media Rights) सामन्यांसाठी बीसीसीआय मीडिया अधिकारांचा भारतीय क्रिकेट नियामक मंडळाकडून गुरुवारी, 31 ऑगस्ट रोजी लिलाव केला जाईल. डिस्ने स्टार व्यतिरिक्त, सोनी स्पोर्ट्स आणि वायाकॉम-18 हे तीन बोलीदार आहेत. दोन पॅकेजेसमध्ये हक्क विकले जातील, पॅकेज A मध्ये इंडिया सबकॉन्टिनेंट टीव्हीचा समावेश आहे, तर पॅकेज B मध्ये इंडिया सबकॉन्टिनेंट डिजिटल प्लस वर्ल्ड टीव्ही आणि डिजिटल यांचा समावेश आहे. पॅकेज A ची मूळ किंमत 20 कोटी रुपये आहे आणि पॅकेज B ची 25 कोटी रुपये आहे, एकूण 88 सामन्यांसाठी प्रत्येक गेमची एकत्रित आधारभूत किंमत 45 कोटी रुपये आहे. मीडिया रिपोर्ट्सनुसार, झी आणि फॅनकोड या लिलावात सहभागी होणार नाहीत. याशिवाय गुगल आणि अ‍ॅमेझॉन या कंपन्यादेखील लिलावात सामील होणार असल्याची चर्चा होती, मात्र आता या दोन्ही बहुराष्ट्रीय कंपन्या या लिलावात सहभागी होणार नसल्याचे स्पष्ट झाले आहे.