Viral Video: रेल्वे क्रॉसिंगवर बाईकला धडकली भरधाव वेगाने धावणारी ट्रेन, जाणून घ्या काय घडले पुढे (Watch)

इटावा शहरातील रामनगर रेल्वे फाटकावर एक बाईक ट्रेनसमोर आल्याची घटना घडली आहे. या घटनेचे सीसीटीव्ही फुटेज व्हायरल होत आहे. अपघातामध्ये दुचाकी स्वाराने कसाबसा आपला जीव वाचवला मात्र आपली गाडी त्याला रेल्वे रुळावर तशीच सोडून द्यावी लागली. त्याचवेळी हातियाहून आनंद बिहारकडे जाणाऱ्या झारखंड स्वर्ण जयंती एक्सप्रेसने दुचाकीला धडक दिली. 26 ऑगस्ट रोजी सकाळी 11 वाजण्याच्या सुमारास ही घटना घडली. रेल्वेखाली दुचाकी अडकल्यानंतर ती जवळजवळ अर्धा किलोमीटर रुळावर ओढली गेली. त्यानंतर ट्रेन चालकाने ट्रेनला ब्रेक लावून अपघात झाल्याची माहिती रेल्वे अधिकाऱ्यांना दिली. त्यावर आरपीएफ आणि तांत्रिक पथक घटनास्थळी पोहोचले आणि त्यांनी रेल्वेच्या इंजिनमध्ये अडकलेल्या दुचाकीचे तुकडे काढून ट्रेन तत्काळ पुढे रवाना केली.