Vanshika’s Viral Break-Up Video: वंशिकाची ब्रेकअप स्टोरी व्हायरल; मैत्रिणीने कॉल रेकॉर्ड करून सोशल मिडियावर केला शेअर, बनत आहेत मीम्स (Watch)  

सध्या सोशल मिडियावर वंशिका आणि तिची ब्रेकअप स्टोरी व्हायरल होत आहे. वंशिका ट्रेंडमध्येही आहे. पण ही वंशिका नक्की कोण आहे? खरे सांगायचे तर आम्हालाही माहित नाही. परंतु आम्हांला हे माहीत आहे की, वंशिकाला तिचे मित्र बदलण्याची गरज आहे. कारण वंशिकाच्या ब्रेकनंतर तिच्या मैत्रिणीने तिची ब्रेकअप स्टोरी ऑनलाइन शेअर केली आहे. वंशिकाचे रिलेशनशिपनंतर अवघ्या दोन महिन्यात ब्रेकअप झाले आहे. आकाश नावाच्या तरुणाने दोन महिन्यातच तिच्याशी ब्रेकअप केले आहे. परंतु आता तिच्या ब्रेकअप स्टोरीवर मीम्स बनत आहेत, कारण ही स्टोरी व्हायरल झाली आहे.

जाणून घ्या नक्की प्रकरण काय आहे. तर एका अकाऊंटने @hajarkagalwa या हँडलवरून एक व्हिडिओ शेअर केला आहे. या व्हिडीओमध्ये एक फोन कॉल ऐकू येत आहे. या फोन कॉलवर वंशिका तिच्या अगदी जवळच्या मैत्रिणीशी तिच्या ब्रेकअपबद्दल बोलत आहे. वंशिका रडत रडत आपल्या भावना व्यक्त करत आहे. परंतु या मैत्रिणीने वंशिकाचा फोन स्पीकरवर ठेऊन हा संपूर्ण फोन कॉल रेकॉर्ड केला व आता आता तो सोशल मिडियावर शेअर केला आहे. या फोन कॉलवर वंशिका ज्या पद्धतीने तिची ब्रेकअप स्टोरी कथन करत आहे ती आता चर्चेही बाब बनली आहे.