Viral Video: विना तिकीट प्रवास करणाऱ्या प्रवाशाला टीसीची बेदम मारहाण: व्हिडिओ व्हायरल झाल्यानंतर दोन TC निलंबित, Watch

Viral Video: बिहारच्या मुझफ्फरपूरमध्ये दोन टीसींनी प्रवाशाला बेदम मारहाण केली. यानंतर दोन्ही रेल्वे तिकीट संग्राहकांना निलंबित करण्यात आले आहे. तिकीट तपासनीस आणि प्रवाशामध्ये वाद झाला. त्यानंतर टीसीने प्रवाशाला बेदम मारहाण केली, एका प्रवाशाने या घटनेचा व्हिडिओ रेकॉर्ड केला आहे. जेव्हा तिकीट तपासनीस प्रवाशाला पाय धरून वरच्या बर्थवरून खाली ढकलण्याचा प्रयत्न करतो तेव्हा प्रवाशाने प्रतिकार करण्याचा प्रयत्न केला आणि अधिकाऱ्याला लाथ मारली. त्यानंतर टीसी एक सहकारी सोबत घेतो आणि ते प्रवाशाला खाली खेचतात आणि त्याला बेदम मारहाण करतात. त्यानंतर आजूबाजूला बसलेले प्रवासी टीला मारहाण करण्यापासून रोखण्याचा प्रयत्न करतात. ही घटना 2 जानेवारीच्या रात्री धोली रेल्वे स्थानकाजवळ मुंबईहून जयनगरकडे जाणाऱ्या ट्रेनमध्ये घडली.प्रवासी विना तिकीट प्रवास करत असल्याने वाद सुरू झाला, असे वृत्तात म्हटले आहे. रेल्वेच्या प्रवक्त्याने सांगितले की, दोन तिकीट संग्राहकांना तत्काळ प्रभावाने निलंबित करण्यात आले आहे.