Fact Check: महेंद्रसिंग धोनीच्या सन्मानार्थ RBI जारी करणार 7 रुपयांचे नाणे? काय आहे व्हायरल मेसेजमागील सत्य? जाणून घ्या

Fact Check: क्रिकेटर महेंद्रसिंग धोनी (Mahendra Singh Dhoni) शी संबंधित एक दावा सोशल मीडियाच्या वेगवेगळ्या प्लॅटफॉर्मवर व्हायरल होत आहे. महेंद्रसिंग धोनी असे लिहिलेल्या फोटोमध्ये 7 रुपयांचे नाणे दिसत आहे. @RanjanSinghG नावाच्या एका वापरकर्त्याने दावा केला आहे की, 'RBI महेंद्रसिंग धोनीच्या सन्मानार्थ 7 रुपयांचे नवीन नाणे जारी करणार आहे.' मात्र, भारत सरकारची प्रेस एजन्सी प्रेस इन्फॉर्मेशन ब्युरो किंवा पीआयबीने या व्हायरल मेसेजचे सत्य उघड केले आहे. पीआयबीने आपल्या फॅक्ट चेकमध्ये खुलासा केला आहे की, 'सोशल मीडियावर एक फोटो प्रसारित करण्यात येत आहे. ज्यामध्ये महेंद्रसिंग धोनीच्या क्रिकेट क्षेत्रातीत योगदानाबद्दल 7 रुपयांचे नवीन नाणे जारी केले जात आहे, असं म्हटलं आहे. मात्र, या चित्रात केलेला दावा खोटा आहे. आर्थिक व्यवहार विभागाने अशी कोणतीही घोषणा केलेली नाही, असं पीबीआयने स्पष्ट केलं आहे.

आरबीआय धोनीच्या सन्मानार्थ 7 रुपयांचे नाणे जारी करणार?