'कंडोम पण हवाय का?' मुलीच्या सॅनिटरी पॅड्सच्या प्रश्नावर बिहारच्या IAS अधिकारी Harjot Kaur Bamhrah यांचे अजब उत्तर (Watch Video)
कार्यशाळेत एका मुलीच्या प्रश्नाला वरिष्ठ महिला आयएएस अधिकाऱ्याने दिलेले उत्तर सध्या चर्चेत आहे. मुलीने विचारले होते की, सरकार 20-30 रुपयांचे सॅनिटरी पॅड देऊ शकत नाही का?
बिहारच्या महिला व विकास महामंडळाच्या अध्यक्षा व बाल प्रबंध संचालक हरजोत कौर यांचे एक वादग्रस्त वक्यव्य समोर आले आहे. बिहारची राजधानी पाटणा येथे मुलींच्या जनजागृतीसाठी एका कार्यशाळेचे आयोजन करण्यात आले होते. या कार्यक्रमात मुलींचाही सहभाग होता. आता या कार्यशाळेत एका मुलीच्या प्रश्नाला वरिष्ठ महिला आयएएस अधिकाऱ्याने दिलेले उत्तर सध्या चर्चेत आहे. मुलीने विचारले होते की, सरकार 20-30 रुपयांचे सॅनिटरी पॅड देऊ शकत नाही का?
मुलीच्या प्रश्नाला उत्तर देताना वरिष्ठ महिला आयएएस अधिकारी हरजोत कौर म्हणाल्या- 'मागणीचा अंत नाही. आज तुम्ही म्हणाल सरकार 20-30 रुपयांचे सॅनिटरी पॅड देऊ शकत नाही का? उद्या तुम्ही जीन्स पँट मागाल, परवा म्हणाल सरकार शूज का देऊ शकत नाही? त्यानंतर जेव्हा कुटुंब नियोजनाचा प्रश्न येतो तेव्हा सरकारला निरोध देखील विनामूल्य द्यावा लागेल.' कौर यांच्या या उत्तराचा व्हिडीओ सध्या व्हायरल होत आहे.