Video: तेलंगणातील करीमनगर येथून एक धक्कादायक व्हिडिओ समोर आला आहे. एका भटक्या कुत्र्याने एका लहान मुलावर हल्ला केल्याचे दिसून येत आहे, त्यामुळे निष्पाप बालक गंभीर जखमी झाले आहे. ही संपूर्ण घटना जवळच बसवण्यात आलेल्या सीसीटीव्ही कॅमेऱ्यात कैद झाली असून, ती सध्या सोशल मीडियावर व्हायरल होत आहे.५८ सेकंदाच्या या व्हिडिओमध्ये दोन लहान मुले रस्त्याच्या कडेला खेळताना दिसत आहेत. काही वेळातच एक काळ्या रंगाचा भटका कुत्रा त्यांच्यापर्यंत पोहोचतो. एक मूल लगेच पळून जाते, तर दुसऱ्यावर कुत्र्याने हल्ला केला.कुत्र्याने सतत हल्ला केल्याने मुलगा जमिनीवर पडतो. निरागस मुलाच्या किंकाळ्या ऐकून त्याचे पालक आणि काही स्थानिक लोक घटनास्थळी पोहोचले. ते  कसा तरी कुत्र्याला हाकलून मुलाचा जीव वाचवतात. यानंतर मुलाला उपचारासाठी रुग्णालयात नेले जाते. हा हल्ला सातवाहन विद्यापीठाजवळ झाल्याचे सांगण्यात येत आहे. हेही वाचा: Nagpur Stray Dog Attack on Child: नागपुरमध्ये भटक्या कुत्र्यांच्या हल्ल्यात ३ वर्षीय चिमुकल्याचा मृत्यू; नागरिकांमध्ये संताप

 

 

 

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)