Sharad Pawar: शरद पवार ब्रीच कँडी रुग्णालयात दाखल

शरद पवार यांना प्रकृती अस्वास्थ्यामुळे ब्रीच कँडी (Breach Candy Hospital ) रुग्णालयात दाखल करण्यात आले आहे. पोटदुखीचा सौम्य त्रास काल (रविवार, 29 मार्च) जाणवल्यानंतर पवार यांना रुग्णालयात दाखल करण्यात आले. डॉक्टरांनी वैद्यकीय तपासणी केल्यानंतर त्यांच्या मुत्राशयामध्ये काही त्रास असल्याचे प्राथमिक निदान आहे. येत्या 31 मार्च रोजी त्यांच्यावर एडोस्कोपी (Endoscopy ) आणि शस्त्रक्रिया केली जाणार आहे. त्यामुळे पुढील सूचना येईपर्यंत सर्व कार्यक्रम रद्द करण्यात आले आहेत, अशी माहिती राज्याचे अल्पसंख्याक मंत्री आणि राष्ट्रवादी काँग्रेसचे प्रवक्त नवाब मलिक यांनी दिली आहे. मलिक यांनी ट्विटरद्वारे ही माहिती दिली.