Raj Thackeray Birthday: मिठाई, पुष्पगुच्छ नको शैक्षणिक साहित्य, झाडाचं रोप वाढदिवसाची भेट म्हणून आणा; मनसे अध्यक्ष राज ठाकरे यांचं मनसैनिकांना आवाहन

मनसे अध्यक्ष राज ठाकरे यांचा 14 जून दिवशी वाढदिवस आहे. त्यांच्या वाढदिवसानिमित्त राज्याच्या कानाकोपर्‍यातून कार्यकर्ते त्यांना भेटायला येतात. अशावेळी अनेकदा त्यांच्याकडून मिठाई, पुष्पगुच्छ आणले जतात. पण त्याऐवजी यंदा  शैक्षणिक साहित्य, झाडाचं रोप आणण्याचं आवाहन त्यांनी केलं आहे. जे काही शैक्षणिक साहित्य भेटवस्तू म्हणून आणाल ते गरजू विद्यार्थ्यांना आपल्या पक्षाकडून भेट म्हणून देऊ. असे त्यांनी सांगितलं आहे. राज ठाकरे 14 जूनला कार्यकर्त्यांना त्यांच्या राहत्या घरी सकाळी 8.30 ते दुपारी 12 वाजे पर्यंत भेटतील असं सांगण्यात आलं आहे.