बंडखोर आमदारांच्या बैठकीत उपसभापती Narhari Zirwal यांची हकालपट्टी करण्याचा ठराव घेण्याचे नियोजन

शिवसेनेने गटनेते पदावरू एकनाथ शिंदे यांची हकालपट्टी करून त्यांच्या जागी अजय चौधरी आणि मुख्य प्रतोद म्हणून सुनील प्रभू यांची नियुक्ती केली होती. सेनेचा हा निर्णय शिंदे गटासाठी पहिला धक्का होता. शिंदे गटाकडून या निर्णयाचा पूर्णतः विरोध झाला, परंतु आता शिवसेनेने केलेल्या नियुक्तीला विधानसभा उपाध्यक्ष नरहरी झिरवाळ यांनी शुक्रवारी मान्यता दिली. त्यानंतर आज शिंदे गटातील आमदारांची एक महत्वाची बैठक पार पडली. शिवसेनेच्या बंडखोर आमदारांच्या बैठकीत उपसभापती नरहरी झिरवाळ यांची हकालपट्टी करण्याचा ठराव घेण्याचे नियोजन केले आहे. बंडखोर गटातील 46 आमदारांच्या सह्या घेऊन प्रस्तावाच्या तयारीसाठी कार्यवाही सुरू केली जाणार असल्याची सूत्रांनी माहिती दिली आहे. याबाबत एएनआयने वृत्त दिले आहे.

विधानसभा अध्यक्षाची निवड न झाल्याने उपसभापतींची भूमिका वाढली आहे. अशा परिस्थितीत उपसभापती नरहरी झिरवाळ हे संकटात सापडलेल्या सरकारला वाचवण्यात महत्त्वाची भूमिका बजावू शकतात.

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)