Harbour Line Night Block: पनवेल स्थानकावर रात्रीचा ब्लॉक, लोकल ट्रेनही आजपासून 22 दिवस बंद

Harbour Line Night Block: पनवेल स्थानकावर गाड्या रद्द होणार आहे, अशी माहिती मध्य रेल्वेंनी दिली आहे. मुंबईतील हार्बर मार्गावरील प्रवाशांना 22 दिवस समस्यांना सामोरे जावे लागणार आहे. जेएनपीटीपर्यंत समर्पित फ्रेट कॉरिडॉरसाठी काम सुरू आहे. त्यासाठी दोन ट्रॅकही पनवेलमधून जात आहेत. 18 ऑगस्टपासून या ट्रॅकचे काम सुरू झाले असून दररोज रात्री सुमारे 3 तासांचा ब्लॉक घेण्यात येत होता. आता पनवेल यार्डात काही कट व जोडणीचे काम केले जाणार असून, त्यामुळे ब्लॉकचा कालावधी वाढवून रात्री 5 तास करण्यात येत आहे. या ब्लॉकमुळे सीएसएमटीहून पनवेलकडे जाणारी शेवटची लोकल रात्री 10.58 वाजता असेल. त्यानंतर पनवेलच्या गाड्यांना बेलापूरलाच थांबा देण्यात येणार आहे.