Mumbai-Goa Vande Bharat Video: खुशखबर! लवकरच सुरु होणार मुंबई ते गोवा वंदे भारत ट्रेन; पहा ट्रायल व्हिडिओ (Watch)

देशाला लवकरच आणखी एक वंदे भारत एक्सप्रेस ट्रेन मिळणार आहे. अलीकडेच पंतप्रधान मोदींनी गुवाहाटी ते न्यू जलपाईगुडी दरम्यान, देशातील 18व्या वंदे भारत ट्रेनला हिरवा झेंडा दाखवला. यानंतर आता देशातील 19वी वंदे भारत ट्रेन मुंबई ते गोवा मार्गावर धावणार आहे. मुंबई-गोवा वंदे भारत ट्रेनचे उद्घाटन 3 जून रोजी होऊ शकते असे मानले जात आहे. त्यानंतर 4 जूनपासून ही ट्रेन नियमितपणे धावणे अपेक्षित आहे. रेल्वे बोर्ड ही ट्रेन 8 किंवा 16 डब्यांमध्ये चालवू शकते. मुंबई-गोवा वंदे भारतची चाचणी नुकतीच पूर्ण झाली आहे. मुंबई गोवा वंदे भारत ट्रेन ही मुंबईहून धावणारी चौथी वंदे भारत एक्सप्रेस असेल. यापूर्वी मुंबई-साबरमती, मुंबई-सोलापूर आणि मुंबई-शिर्डी दरम्यान वंदे भारत गाड्या चालवण्यात आल्या आहेत. गोव्यासाठी ही पहिली वंदे भारत एक्सप्रेस ट्रेन आहे. कोकण रेल्वेचे सीपीआरओ एलके वर्मा म्हणाले की, चाचणी यशस्वीरित्या पूर्ण झाली आहे. गोव्यातील पहिली वंदे भारत ट्रेन मडगाव ते सीएसएमटी धावणार आहे. (हेही वाचा:  दिलासादायक! लवकरच पुणे-सोलापूर मार्गावर धावणार इलेक्ट्रिक बस; चार्जिंग स्टेशन उभारणीचे काम सुरू)