Mumbai: कस्तुरबा रुग्णालयातून पळून गेलेल्या Covid-19 रुग्णाला घेतले ताब्यात; गुन्हा दाखल

मध्य मुंबईतील कस्तुरबा रुग्णालयामधून उपचारासाठी दाखल एक चोर असलेला कोविड रुग्ण पळून गेल्याची घटना आज समोर आली होती. नझीम अयुब खान असे त्याचे नाव असून, त्याच्यावर आयपीसी कलम 224 अन्वये गुन्हा दाखल करण्यात आला असून पोलिसांनी शोध सुरू केला होता. आता मुंबई पोलिसांनी माहिती दिली आहे की, आग्रीपाडा पोलीस स्टेशन सूत्रांकडून मिळालेल्या माहितीवरून एपीआय आंबेकर, पी.सी. फडतरे, कदम आणि ठाकरे यांनी सापळा रचून सायन हायवे ब्रिजजवळ खान याला ताब्यात घेतले आहे.

खान याला मानखुर्द पोलिसांनी 30 जुलै रोजी अटक केली होती. त्याला न्यायालयात हजर केले असता पोलीस कोठडी सुनावण्यात आली. त्यानंतर अनिवार्य वैद्यकीय तपासणी दरम्यान, त्याला कोविड-19 ची लागण झाल्याचे दिसून आले. त्यानंतर त्याला कस्तुरबा रुग्णालयाच्या 14 क्रमांकाच्या वॉर्डमध्ये दाखल करण्यात आले होते, तिथून तो पळून गेला होता.

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)