Mumbai Airport: मुंबई विमानतळावर 6 प्रवासी आणि दोन क्रू मेंबर्स असलेले खासगी चार्टर्ड विमान धावपट्टीवरून घसरले, झाले क्रॅश (Watch Video)

मुंबई विमानतळावर गुरुवारी दुपारी एक खाजगी चार्टर्ड विमान घसरले आणि क्रॅश झाले. यामुळे आपत्कालीन परिस्थिती निर्माण झाली. विमानात 6 प्रवासी आणि 2 क्रू मेंबर्स होते. सध्या मदत आणि बचाव कार्य सुरू आहे. या अपघातामुळे इतर विमानांचे टेकऑफ आणि लँडिंग थांबवण्यात आले आहे. नागरी विमान वाहतूक महासंचालनालयाने (DGCA) सांगितले की, विशाखापट्टणमहून आलेले VSR Ventures Learjet 45 विमान मुंबई विमानतळाच्या धावपट्टी 27 वर लँडिंग करताना घसरले. यादरम्यान मुसळधार पाऊस पडत होता. त्यामुळे दृश्यमानता केवळ 700 मीटर होती. त्यामुळेच हा अपघात झाला. कोणतीही जीवितहानी झाली नसल्याचे डीजीसीएने म्हटले आहे.

(हेही वाचा: SpiceJet च्या विमानात को पायलट कडून मराठीत सूचना; सोशल मीडीयामध्ये व्हिडिओ वायरल)